Чакаецца, што праз 5 гадоў у сталіцы будуць жыць на 25-30 тысяч чалавек больш — гэта прыблізна 6,6% ад цяперашняга насельніцтва аднаго Фрунзенскага раёну.
Пра прагноз сацыяльна-эканамічнага развіцця расказаў журналістам «Мінск Навіны» старшыня Камітэта архітэктуры і горадабудаўніцтва Мінгарвыканкама Віктар Гуцько.
Па яго словах, тэрыторыя Мінска павялічыцца на 2,8 тыс. га і складзе каля 38,1 тыс. га. Плануецца, што жылым фондам людзей змогуць забяспечыць па 27,5 кв.м на чалавека.
Чакаецца, што занятасць у сферах паслуг і вытворчай складзе каля 80% і 21% адпаведна.
Меркаваны ўзровень аўтамабілізацыі — каля 350 машын на 1 тыс. чалавек (разліковы паказчык — адзін аўтамабіль на сям'ю).
Павялічваць тэрыторыю гораду хочуць за кошт размешчаных крыху на поўдзень ад Мінскага мора тэрыторый Мінскага і Смалявіцкага раёнаў і побач з Нацыянальным аэрапортам Мінск.
«Праектам генплана захавана дзеючая стратэгія «гарады гарадоў», якая прадугледжвае 30-хвілінную даступнасць жыхароў да аб'ектаў паўсядзённага, перыядычнага абслугоўвання і да месцаў прыкладання працы», — сказаў Гуцько.
Цяпер чытаюць
28-гадовая беларуска купляе ўжо пятую кватэру для здачы ў арэнду — прычым у розных гарадах і краінах2
Каментары