У Мінску прадаюць мікракватэру ў 18 квадратаў. Стартавая цана — 19 500 даляраў
У Сцяпянцы, у невялікім двухпавярховым будынку, які знаходзіцца за два крокі ад густога лесу, на вуліцы Геалагічнай, 119, прадаюць кампактную аднапакаёвую кватэру. Будучага ўладальніка мікракватэры вызначаць у рамках аўкцыёну, запланаванага на 12 жніўня, піша Onliner.by.
Дарэчы, гэта паўторныя таргі: упершыню жыллё спрабавалі прадаць на пачатку ліпеня, але жадаючых, відаць, не знайшлося. Расказваем, у чым асаблівасць гэтага лота.
Пустуючая аднапакаёвая кватэра знаходзіцца на другім паверсе і займае плошчу 18,7 квадратнага метра. Жылыя — 12 «квадратаў», кухня — 6,7. Згодна з планіроўкай, санвузла ў кватэры няма. Жыллё знаходзіцца ў уласнасці «Мінскіх гарадскіх інтэрнатаў». У якім стане яно зараз — не ўдалося высветліць, але паглядзець яго перад пачаткам таргоў усё ж можна. Папярэдні агляд кватэры на вул. Геалагічнай, 119, запланаваны на 6 жніўня ў 09:00.
Стартавая цана за лот не зменена: аднапакаёўку прапануюць за 58 200 рублёў, або каля $19 500 па курсе.
Для ўдзелу ў таргах заяўніку прыйдзецца пакінуць задатак у памеры 5 820 рублёў.
Падаць заяўку на ўдзел у аўкцыёне можна з 28 ліпеня па 8 жніўня ў працоўныя дні з 09:00 да 13:00 і з 14:00 да 17:00 (па пятніцах — да 16:00) па адрасе: г. Мінск, вул. К. Маркса, 39, каб. 6. Сам аўкцыён пройдзе 12 жніўня ў 15:00 па адрасе: г. Мінск, вул. К. Маркса, 39, каб. 7 (зала аўкцыёнаў). Больш падрабязную інфармацыю можна даведацца тут.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў138
Каментары