Каверын не будзе выказвацца пра сітуацыю Стрыжака. Каб не выкраслілі з прафесіі і яго
Вядучы праграмы «Обычное утро» Канстанцін Каверын прызнаўся ў фэйсбуку, што не наважваецца публічна сказаць усё тое, што думае адносна кейса з дыкпікамі Андрэя Стрыжака, бо баіцца нейкай сілы з вялікай колькасцю рэсурсаў.
«Я разумею, што баюся выказаць сваё меркаванне ў публічнай прасторы, баюся сфармуляваць пытанні, на якія сам для сябе я пакуль не знаходжу адказу. Я баюся той сілы, якая без расследавання і суда з лёгкасцю як бы адменіць мяне.
У гэтай сілы дастаткова рэсурсаў, каб у адзін момант выкрасліць мяне з прафесіі, абазваць дурнем, зрабіць зносіны са мной іншых людзей або арганізацый таксічнымі. Падкрэслю: без расследавання і суда. А проста таму, што яна лічыць, быццам бы мае на гэта права.
Але больш за ўсё мяне палохае жалезабетонная, манументальная, непахісная нічым і нікім упэўненасць гэтай сілы ва ўласнай рацыі. Нават калі яна не мае рацыі. Ёй быццам бы загадзя вядомыя адказы на ўсе пытанні. Але толькі калі пытанні гэтыя не здадуцца ёй абразлівымі, траўміруючымі або зневажальнымі.
Хто вызначае, абражаюць яны, траўміруюць, зневажаюць ці не? А вось сама гэтая сіла і вызначае.
На жаль, я прызнаю: гэтая сістэма каардынатаў мне не па зубах. Рабіць выгляд, што па зубах, убудавацца і ўтульна размясціцца дзе-небудзь з краёчку гэтай сістэмы я не хачу. Гэта будзе як мінімум несумленна. Але і хадзіць па мінным полі я адмаўляюся.
Таму любыя мае меркаванні (а таксама і пытанні) на тэму «Андрэй Стрыжак і няпрошаныя дыкпікі» я пакіну для сям'і, для сяброў, для кухняў. Мне было страшна гаварыць у Беларусі. Мне страшна гаварыць і за яе межамі», — заявіў Канстанцін Каверын.
Ціханоўская пра справу Стрыжака: Тое, што зрабіў кіраўнік — не падстава разбураць фундамент
Споведзь Стрыжака: Я маю праблему з сэксуальнай залежнасцю
«У нас татальнае падзенне». Прадстаўніца дырэктарата Bysol пракаментавала скандал са Стрыжаком
Навошта мужчыны шлюць жанчынам дыкпікі?
«Гэтае гаўно трэба спыняць». Курс, Роўда, Лойка ды іншыя беларусы пра дыкпікі Стрыжака
Некалькі актывістак абвінавацілі Стрыжака: высылаў ім дыкпікі
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары
Гэта чалавек небяспечны для грамадства! Яму нельга давяраць не толькі працу за грошамі, але і проста з людзьмі працаваць. Сёння гэта жанчыны, а заўтра могуць быць твае дзеці!!!