Жанчына абавязалася кампенсаваць чатыры тысячы еўра.
У аўстрыйскай Вене за крадзеж касметычных сродкаў затрымалі 54-гадовую беларуску, піша «Беларусь і свет».
Інцыдэнт адбыўся ў аўторак 17 чэрвеня каля 13.30 дня ў краме фармату драгеры на вуліцы Марыяхільферштрасэ.
Супрацоўнік службы бяспекі заўважыў жанчыну, якая хавала касметыку ў спартыўнай сумцы, а затым накіравалася да выхаду без аплаты. Ён таксама апазнаў яе як жанчыну, што крала тут некалькімі днямі раней.
Калі на месца па выкліку прыбылі вартавыя парадку, наша суайчынніца прызналася ва ўчыненым правапарушэнні і заявіла, што заплаціць усю суму шкоды, якая складае больш за 4 тысячы еўра.
Па рашэнні пракуратуры жанчыну да суда адпусцілі, не стаўшы ўжываць да яе меру ўтрымання пад вартай.
Цяпер чытаюць
Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу7
Каментары