Нацыянальны банк прагназуе ў найбліжэйшы час паступовае зніжэнне працэнтных ставак па кароткатэрміновых укладах. Пра гэта паведаміў у эфіры тэлеканала «Першы інфармацыйны» першы намеснік старшыні праўлення Нацбанка Аляксандр Ягораў.
Паводле інфармацыі Нацбанка, з пачатку гэтага года сярэднія стаўкі па кароткіх дэпазітах выраслі з 8,53% да 11,08%.
Па доўгатэрміновых укладах стаўкі таксама плаўна павялічыліся. Калі ў студзені 2025 года яны складалі 13,76%, то ў красавіку — 14,46%.
На думку Аляксандра Ягорава, у бліжэйшай перспектыве вырасце розніца па працэнтных стаўках на доўгія і кароткія дэпазіты. Справа ў тым, што стаўкі па кароткатэрміновых дэпазітах пачнуць паступова зніжацца, а па доўгатэрміновых застануцца на ранейшым узроўні.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары