Ідэя стварэння мыла нарадзілася пасля таго, як у 2024 годзе Сідні Суіні знялася ў рэкламнай кампаніі, дзе яна была паказаная ў ванне.
Актрыса Сідні Суіні вырашыла нестандартна падысці да бізнэсу і выпусціла мыла, у склад якога ўваходзіць вада з яе ўласнай ванны. Гэты прадукт, названы «Sydney’s Bathwater Bliss», быў створаны ў супрацоўніцтве з амерыканскім брэндам Dr. Squatch і паступіць у продаж 6 чэрвеня 2025 года.
Выпуск абмежаваны — усяго 5000 кавалкаў, кожны з якіх будзе каштаваць $8. Акрамя таго, будзе праведзены розыгрыш 100 бясплатных кавалачкаў сярод падпісчыкаў, якія пражываюць у ЗША.
Ідэя стварэння мыла нарадзілася пасля таго, як у 2024 годзе Сідні Суіні знялася ў рэкламнай кампаніі, дзе яна была паказаная ў ванне.
Фотасесія выклікала бурную рэакцыю ў сацыяльных сетках, і прыхільнікі пачалі патрабаваць ваду з яе ванны. У адказ на гэты ажыятаж актрыса вырашыла манетызаваць цікавасць да свайго вобраза і стварыць унікальны прадукт.
Мыла спалучае ў сабе водары сасны, піхты Дугласа і моху з даданнем «асабістага» кампанента — вады з ванны актрысы. Такім чынам, Сідні Суіні працягвае здзіўляць сваіх прыхільнікаў нестандартнымі рашэннямі і актыўна выкарыстоўвае сваю папулярнасць для стварэння ўнікальных прадуктаў.
Цяпер чытаюць
«Я наведаў самую ізаляваную краіну Еўропы». Амерыканскі блогер расказаў, як прыязджаў у Беларусь у 2020-м і 2024-м2
Каментары