Каля чацвертай гадзіны раніцы ў РАУС Дубровенскага раёна звярнуўся таксіст з Оршы, які заявіў пра ўзброены напад, паведамляе віцебская міліцыя.
Паводле слоў пацярпелага, усё пачалося з выкліку ў Оршы каля трох гадзін ночы. Пасажыр папрасіў адвезці яго ў адзін з аграгарадкоў Дубровенскага раёна.
Прыбыўшы на месца, мужчына заявіў, што ў яго няма наяўных, зайшоў у дом, а затым раптоўна напаў на кіроўцу. Злачынец, пагражаючы прадметам, падобным на пісталет, прымусіў таксіста ўвайсці ў жыллё.
Там ён дастаў нож і пад пагрозай забойства забраў у кіроўцы 250 рублёў. Скарыстаўшыся момантам, таксіст змог выбегчы з дома і з'ехаць на сваім аўтамабілі.
Ужо праз дзве гадзіны пры сілавой падтрымцы байцоў АМАП падазраваны быў затрыманы. Ім аказаўся 33-гадовы аршанец, непрацуючы і раней неаднаразова судзімы.
У дачыненні да мужчыны следчымі заведзена крымінальная справа за разбой.
Фігуранту пагражае да 15 гадоў пазбаўлення волі.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»3
Каментары