Міністр адукацыі расказаў, хто будзе адказваць за захаванасць мабільнікаў, якія будуць забіраць у школьнікаў
З 1 верасня ў школах будуць забаронены мабільныя тэлефоны. Як гэта будзе працаваць, у эфіры тэлеканала СТБ распавёў міністр адукацыі Андрэй Іванец.
Раней з’явілася інфармацыя, што ў новым навучальным годзе ва ўсіх школах Беларусі вучні будуць здаваць мабільныя тэлефоны перад пачаткам урокаў і забіраць іх пасля заняткаў.
Паводле слоў Андрэя Іванца, адказваць за захаванасць гаджэтаў будуць адпаведныя работнікі школ, іх ужо вызначаюць.
— Але тут мы можам быць цалкам спакойныя, бо практычна ўсе школы нашай краіны абсталяваны відэаназіраннем, — дадаў ён.
Паводле яго слоў, ячэйкі для мабільных тэлефонаў будуць устаноўлены побач з камерамі відэаназірання.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары