На Камароўцы з'явіліся першыя беларускія клубніцы. Цана кусаецца
Прадавец прывёз першы ўраджай ягад з Альшан.
На Камароўскім рынку ў Мінску з'явіліся першыя беларускія клубніцы. Прадавец Віталь прывёз іх з Альшан на Століншчыне.
Ён прызнаецца, што ягады з кіслінкай. У продажы два сарты — «Альба» і «Азія». Цана пакуль кусачая — 35 рублёў за кілаграм.
Месяц таму грэчаскія клубніцы на Камароўцы каштавалі 20 рублёў за кіло. Мінчане пішуць у каментарыях, што замежныя ягады можна знайсці і танней.
Цана на першыя беларускія клубніцы не здзіўляе, калі ўлічыць складаныя кліматычныя ўмовы, у якіх яны растуць. Канец красавіка ў Беларусі быў адзначаны нечаканымі замаразкамі, таму фермерам даводзіцца хітраваць, каб захаваць ураджай.
На палях ставяць свечкі і лямпы або нават распальваюць невялікія вогнішчы, каб ацяпліць агарод і не даць раслінам ды ягадам замерзнуць.
Каментары