У ноч на 1 мая расійская армія масіравана атакавала Адэсу ўдарнымі беспілотнікамі, паведаміў кіраўнік абласной вайсковай адміністрацыі Алег Кіпер.
У Дзяржаўнай службе Украіны па надзвычайных сітуацыях пацвердзілі гібель прынамсі двух чалавек у выніку гэтых удараў, яшчэ 15 — атрымалі раненні.
Адзін з загінулых быў супрацоўнікам чыгункі паведаміла прэс-служба кампаніі. Дрон забіў мужчыну ў яго ўласным доме.
Акрамя таго, у выніку начной атакі на адным з чыгуначных участкаў былі пашкоджаны пуці, кантактная сетка і тры грузавыя вагоны.
Каментары