Пратасевіч: У мяне няма ніякіх перспектыў, я нікому не патрэбен
Раман Пратасевіч, які нядаўна ўрачыста паведаміў пра сваё звальненне з Мінскага электратэхнічнага завода імя Казлова, дзе апошнім часам працаваў зваршчыкам, як выглядае, паспяшаўся зрабіць гэты крок.
Сваё звальненне з завода Раман Пратасевіч падаваў як «добрую навіну» і сцвярджаў, што ён цяпер «вольны чалавек».
Але, як вынікае з відэазвароту Пратасевіча, размешчанага ў заведзеным два тыдні таму ягоным канале, у якім блогер заявіў намер пісаць на асабістыя тэмы, з пошукам новай працы ў яго ўзніклі немалыя праблемы: адмовы атрымлівае «літаральна ўсюды». Нікуды яго браць не хочуць, прытым, як ён сцвярджае, прычына не ў прафесійных навыках. Пра тое, у якіх менавіта сферах ён хацеў знайсці новую працу, Пратасевіч, праўда, не згадвае.
«Гэта, мякка кажучы, раздушвае. Я не разумею, што мне рабіць, дзе мне працаваць, я адчуваю, што ў мяне няма літаральна ніякіх перспектыў, і я літаральна нікому не патрэбен», — прыйшоў да высновы раней апазіцыйны, а цяпер праўладны блогер.
Такое становішча негатыўна ўплывае на ягоны стан: калі верыць словам Пратасевіча, ролік ён змог наважыцца запісаць толькі з чацвёртага разу, а так увогуле пастаянна наведвае псіхатэрапеўта і актыўна (4-5 разоў на тыдзень) ходзіць у спартыўную залу, каб хоць неяк развеяцца.
«Па медыцынскіх паказчыках мой стан вымушае жадаць лепшага», — канстатуе Пратасевіч і тлумачыць гэтым сваю не вельмі вялікую актыўнасць у інтэрнэце. Маўляў, «часта мне проста няма чаго гаварыць». Але ўсё ж такі спадзяецца сябе пераламаць і пісаць свой «асабісты дзённічак, хоць і вельмі дэпрэсіўны».
Раман Пратасевіч больш не зваршчык
Пратасевіч: Вядомыя выпадкі, калі зняволеныя адмаўляліся прызнаваць віну і ўсё адно атрымлівалі памілаванне
Стала вядома, куды ўладкаваўся на працу Уладзімір Чудзянцоў
Пратасевіч ездзіў да Бабарыкі ў калонію некалькі разоў
Пратасевіч: Абмяркоўвалі з Бабарыкам Трампа і беларускую апазіцыю
Каментары
Ну і скрамняга, дзеля каго яшчэ садзілі цэлы самалёт і паставілі крыж на беларускай авіацыі?
Усё дзеля цябе. Любімы бацька гатовы на ўсё