Супраць палітзняволенай Аляксандры Каско завялі яшчэ адну крымінальную справу
Праваабарончаму рэсурсу Mayday team стала вядома, што палітзняволеную доктарку Аляксандру Каско перавялі ў следчы ізалятар у Баранавічах. Жыхарка Ваўкавыска была затрыманая 9 лютага 2023 года пасля прыезду ў Беларусь.
Аляксандра Каско
Аляксандру Каско абвінавацілі па 8‑мі артыкулах Крымінальнага кодэкса Рэспублікі Беларусь:
- 369 (Абраза прадстаўніка ўлады);
- 391 (Абраза суддзі або народнага засядацеля);
- ч. 1, 2 арт. 368 (Абраза Лукашэнкі);
- ч. 1, 2 арт. 361‑1 (Стварэнне экстрэмісцкага фарміравання альбо ўдзел у ім);
- ч. 1, 2 арт. 361‑4 (Садзейнічанне экстрэмісцкай дзейнасці);
- ч. 2 арт. 367 (Паклёп у дачыненні да Лукашэнкі);
- ч. 3 арт. 203‑2 (Незаконныя дзеянні ў дачыненні да інфармацыі аб прыватным жыцці і персанальных даных);
- ч. 3 арт. 130 (Распальванне расавай, нацыянальнай, рэлігійнай альбо іншай сацыяльнай варожасці або варожасці).
19 снежня 2023 года суддзя Гродзенскага абласнога суда Дзмітрый Бубенчык прысудзіў дзяўчыну да 10 гадоў пазбаўлення волі.
Цяпер чытаюць
Лукашэнка заклікаў жыхароў Гомельшчыны не хвалявацца з-за ўльтыматуму Зяленскага адносна рэтранслятараў40
Каментары