Сілавікі паведамілі, што Аляксандру Каско год да затрымання «вёў» супрацоўнік ГУБАЗіКа
Тэлеграм-канал сілавікоў паведаміў, што пра беларуску Аляксандру Каско, якую 19 снежня асудзілі на 10 гадоў зняволення, цэлы год да яе затрымання збіраў інфармацыю супрацоўнік ГУБАЗіКа, якому ўдалося здабыць яе давер.
Калі верыць сілавікам, у пачатку 2022 года супрацоўнік гродзенскага ГУБАЗіКа «з дапамогай метадаў сацыяльнай інжынерыі» здабыў давер карыстальніка з нікам Homo Liber — адміністратара нібыта «экстрэмісцкіх» рэсурсаў. Праз месяц высветлілася, што гэта Аляксандра Каско — яна нібыта сама раскрыла сваё імя.
«Затрымалі яе толькі ў лютым 2023, пры тым, што ўлетку 2022 яна без перашкодаў, але пад кантролем сілавікоў, прыязджала ў Беларусь. Ну вы зразумелі, так? Цэлы год з ёй камунікаваў, кантраляваў, вывучаў кола кантактаў і атрымліваў іншую інфармацыю супрацоўнік ГУБАЗ», — гаворыцца ў допісе.
Пры гэтым тэрмін Каско нібыта мог бы быць большым, калі б яна «актыўна не супрацоўнічала з аператыўнікамі».
Аляксандру Каско затрымалі 9 лютага 2023 года, калі яна вярнулася з Польшчы. Спачатку дзяўчыне далі 10 сутак арышту за «распаўсюд экстрэмісцкіх матэрыялаў». Але на волю яна не выйшла. Ёй закідалі артыкул 361-4, «судзейнічанне экстрэмісцкай дзейнасці». Пасля дадаліся яшчэ сем артыкулаў, сярод якіх «распальванне варожасці ці варажнечы» і «стварэнне экстрэмісцкага фарміравання».
«Хацела адзначыць юбілей з сям'ёй». Што вядома пра Аляксандру Каско, якой прысудзілі 10 гадоў пасля вяртання ў Беларусь
10 гадоў пазбаўлення волі далі Аляксандры Каско, якая вярнулася з-за мяжы ў Беларусь
Айцішніка з-пад Ліды судзяць за «здраду дзяржаве». Ён доўгі час жыў у Германіі, але вярнуўся ў Беларусь
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары