Міністр замежных спраў Германіі Аналена Бербак здзейсніла, верагодна, свой апошні візіт у Кіеў у гэтым статусе. Гэта ўжо адзінаццатая паездка кіраўніка МЗС ва Украіну з пачатку поўнамаштабнага расійскага ўварвання, піша Bild.
«Германія прадаставіць Украіне яшчэ 130 мільёнаў еўра на гуманітарныя патрэбы і стабілізацыйныя меры», — заявіла Бербак ў Кіеве.
Кіраўнік МЗС падкрэсліла, што падтрымка асабліва важная на фоне «тупіка ў стасунках паміж ЗША і Расіяй». Паводле яе слоў, Расія працягвае цягнуць час, высоўваючы ўсё новыя ўмовы, і не гатовая да сапраўдных перамоваў.
«Пуцін хацеў заваяваць Кіеў і Украіну за тры дні. Пасля больш чым трох гадоў жорсткай расійскай агрэсіі больш чым відавочна — план Пуціна праваліўся. Ён уцягнуў не толькі Украіну, але і Расію ў жорсткую вайну на знясіленне, у якой ён не пераможа», — дадала Бербак.
На наступнай сустрэчы міністраў замежных спраў NATO, якая пройдзе ў Брусэлі, Бербак мае намер папярэдзіць амерыканцаў, што «на зацягванне часу з боку Пуціна нельга паддавацца». Паводле яе слоў, нават пасля змены ўрада ў Германіі падтрымка Украіны застанецца «рашучай і маштабнай»
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары