Народная артыстка Беларусі Клара Малышава памерла 26 сакавіка, ёй было 89 гадоў, паведаміў Вялікі тэатр оперы і балета.
Клара Малышава нарадзілася ў 1935 годзе ў Расіі. Пасля вайны паступіла ў Горкаўскае харэаграфічнае вучылішча, а затым працягнула навучанне ў Пермі. Нядоўга Клара Малышава працавала ў Горкаўскім тэатры оперы і балета, пасля пераехала з сям'ёй у Беларусь: яе муж, знакаміты харэограф Атар Дадзішкіліяні быў запрошаны ў Вялікі тэатр.
На беларускай сцэне яна выканала каля двух дзясяткаў вядучых і сольных партый.
Завяршыўшы танцавальную кар'еру, на працягу 15 гадоў Клара Малышава была мастацкім кіраўніком харэаграфічнага вучылішча ў Мінску, затым працягнула выкладаць.
У 1983-2005 гг. Малышава вяла майстар-класы ў Японіі і стала першай жанчынай, адзначанай вышэйшай узнагародай гэтай краіны для дзеячаў мастацтва — ордэнам Узыходзячага Сонца — за асаблівы ўклад у развіццё японскага балета.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары