Грамадства11

Экс-рэдактарцы «Новага часу» Аксане Колб збіраюцца завочна замяніць пакаранне з «хіміі» на больш строгае

Былая рэдактарка «Новага Часу» атрымала позву ў суд Валожынскага раёна. 19 сакавіка яе выклікаюць «у якасці асуджанай» па прадстаўленні мясцовага РАУС «аб замене прызначанага пакарання больш строгім». Аксане Колб у 2022 годзе прызначылі 2,5 гады хіміі, пасля прысуду яна аказалася часова вольнай і пакінула Беларусь, нагадвае «Новы час».

«Позва на 19 сакавіка — гэта працяг яшчэ той справы 2022 года, — кажа Аксана Колб у каментары БАЖ. — Мяркую, што гэта не ініцыятыва валожынскіх органаў, хутчэй за ўсё, ім спусцілі зверху. Яны ж яшчэ ўвосень 2022 года ведалі, што я з’ехала з краіны. Бо прасілі даслаць ім паперку, якая пацвярджае, што я знаходжуся ў Польшчы і не трэба мяне ў Беларусі шукаць. Просьба ад міліцыі з’явілася пасля таго, калі я не прыйшла стаць на ўлік. 19 сакавіка, я так разумею, суд за «парушэнні» заменіць мае два з паловай гады «хіміі» на калонію».

Як паведаміла Аксана Колб, напрыканцы 2024 года на яе завялі яшчэ адну крымінальную справу.

Журналістка кажа, што не ведае падрабязнасцяў пра новы крымінальны пераслед на радзіме: «Мяне шукалі ў снежні 2024-га — пыталіся па адрасе маёй рэгістрацыі, ці не з’явілася я раптам. Справа заведзеная Следчым камітэтам у Брэсце нібыта «за дыскрэдытацыю» і «садзейнічанне экстрэмісцкай дзейнасці». Дакладнай інфармацыі наконт матываў адкрыцця гэтай справы, артыкулаў, сутнасці абвінавачанняў у мяне няма. Хоць тым, хто мяне шукаў, далі мой польскі кантакт — хацелі б, то звязаліся б».

На думку Аксаны Колб, пасля таго, як улады прымуць меркаваныя папраўкі да Крымінальнага кодэкса, якія дазволяць завочныя суды па дадатковых артыкулах, то будзе і завочны працэс. «Пакуль што шукаюць. У міждзяржаўнай базе вышуку я ўжо год як значуся. Неяк на адрас юрасобы, якая выдавала «Новы Час», даслалі просьбу скласці характарыстыку на мяне — са спісам спагнанняў, заахвочванняў і ўвогуле з расповедам пра маю асобу. Была ў мяне, канешне, спакуса напісаць самой на сябе характарыстыку, але ўстрымалася ад марнавання часу», — распавяла Аксана Колб.

На пасадзе галоўнай рэдактаркі незалежнай агульнанацыянальнай газеты «Новы Час» Аксана Колб прапрацавала больш за восем гадоў. Была другім кіраўніком выдання пасля заснавальніка газеты Аляксея Караля.

Каментары1

  • Бастард
    18.03.2025
    Нараджальнасць у краіне беспрэцэдэнтна нізкая. А яшчэ лепшыя людзі бягуць праз гэтых шакалаў у пагонах. За 30+ гадоў калгасны ўзурпатар канчаткова знішчыць краіну.

Цяпер чытаюць

Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі8

Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі

Усе навіны →
Усе навіны

Лукашэнку па начах сніцца саўгас «Гарадзец»14

Зяленскі: Украіна гатовая да перамоў з ЗША адносна асаблівай зброі6

Сталі вядомыя абставіны гібелі начальніка натурнай пляцоўкі «Беларусьфільма» Сяргея Буйніцкага

Сцяпан Пуціла расказаў пра бюджэт Nexta і пра свой заробак15

У Мінску маладзён перабягаў дарогу на чырвонае і трапіў пад машыну ВІДЭА2

Загінуў начальнік натурнай пляцоўкі «Беларусьфільма»

$249 000 за гістарычны вайб. Які рамонт зрабілі ў сталінцы проста ў цэнтры Мінска2

Лукашэнка пра тэматыку перамоваў з Пуціным: Думалі, як выжыць15

За «заклікі да нанясення шкоды Беларусі» асудзілі маладога супрацоўніка «Пеленга»1

больш чытаных навін
больш лайканых навін

Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі8

Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі

Галоўнае
Усе навіны →

Заўвага:

 

 

 

 

Закрыць Паведаміць