Аляксандр Лукашэнка надзяліў новымі паўнамоцтвамі віцэ-прэм'ера Уладзіміра Караніка. Адпаведны ўказ быў падпісаны 12 сакавіка.
Намесніка прэм'ер-міністра Караніка надзялілі паўнамоцтвамі па пытаннях дзейнасці Беларусі ў рамках ЕАЭС. Акрамя таго, ён вызначаны прадстаўніком ад Беларусі ў Савеце ЕЭК і назначаны нацыянальным каардынатарам Беларусі па пытаннях СНД.
Віцэ-прэм'ер надзелены паўнамоцтвамі па пытаннях дзейнасці Беларусі ў рамках ЕАЭС і вызначаны прадстаўніком ад нашай краіны ў Савеце ЕЭК — органе, які ажыццяўляе агульнае кіраўніцтва дзейнасцю ЕЭК і рэгуляванне інтэграцыйных працэсаў у ЕАЭС, у тым ліку арганізуе работу па ўдасканаленні прававога рэгулявання ў ЕАЭС, разглядае вынікі маніторынгу і кантролю выканання актаў Саюза.
Улічваючы, што Беларусь у гэтым годзе кіруе ў органах ЕАЭС, Уладзімір Каранік будзе выконваць функцыі старшыні Савета ЕЭК, а таксама ажыццяўляць каардынацыю і кантроль за рэалізацыяй дзяржаўнымі органамі прыярытэтных напрамкаў супрацоўніцтва ў рамках ЕАЭС, піша прэс-служба Лукашэнкі.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары