Відэа дзяўчыны з адной нагой завірусіліся ў тыктоку. У яе кранальная гісторыя
Калі Надзея выклала відэа, як танчыць пад музыку, некаторыя падумалі, што гэта мантаж — так плаўна і лёгка рухаецца дзяўчына. «Яна нібы лятае», — пісалі ў каментарах. Але за гэтымі відэа хаваецца няпростая гісторыя.
На тыкток Надзеі Жабінай падпісаны 22 тысячы чалавек. Дзяўчына жартуе са сваёй асаблівасці і запісвае пазітыўныя відэа, некаторыя з якіх залятаюць на мільёны праглядаў.
У адным з ролікаў Надзея распавяла, чаму засталася без адной нагі. Высветлілася, што ўсяму віной анкалогія — а канкрэтна астэасаркома. Пра жудасны дыягназ сям’я даведалася выпадкова, калі Надзеі было 5 гадоў.
Яна расла звычайным дзіцём, якое не мела нейкіх асаблівых праблем са здароўем. Аднойчы ў дзіцячым садку дзяўчынка бегала з сябрамі, падчас гульні адзін з хлопчыкаў штурхануў Надзею і яна ўпала. Здаецца, нічога ўнікальнага — такое ў малых здараецца амаль кожны дзень.
У дзяўчынкі пачала балець нага — боль не праходзіў даволі доўга. Тады бацькі адвезлі дачку да доктара зрабіць здымак, думаючы, што гэта банальны ўдар. Канчатковы дыягназ быў вельмі нечаканым.
Надзея падкрэслівае: тое, што хлопчык яе штурхануў, не з’яўляецца прычынай узнікнення хваробы, але праз яго яна праявілася. Аператыўна пачалі хіміятэрапію.
Першапачаткова бацькі разлічвалі на больш пазітыўны сцэнарый для дачкі. Надзею планавалі адправіць на аперацыю ў Германію — там абяцалі, што змогуць захаваць большую частку нагі.
— І тады б у мяне быў пратэз, які згінаецца — я б магла яго кантраляваць. Але, на жаль, хвароба пачала прагрэсаваць, і мы проста не паспелі.
Тгк: Я в шоке,где больше о моей жизни
У выніку нагу ампутавалі цалкам. А ў Надзеі пачаліся яшчэ і метастазы, таму прыйшлося выдаліць палову лёгкага.
Дзяўчына заклікае ўсіх уважліва ставіцца да свайго здароўя, і калі нешта баліць, то адразу звяртацца да дактароў, а не чакаць, пакуль «само пройдзе».
У інтэрв’ю тыктокеру Belrels Надзея распавяла, што цяпер яна вучыцца ў эканамічным каледжы і час ад часу падпрацоўвае фларысткай.
Дзяўчына дзеліцца, што маральна ёй не было складана прызвычаіцца да новай рэальнасці пасля ампутацыі нагі, бо бацькі заўсёды падтрымлівалі і казалі: «Ты можаш усё».
Часта незнаёмыя людзі разглядаюць яе з цікаўнасцю, хтосьці задае недарэчныя пытанні. І гэта дзяўчыне не вельмі прыемна.
Але ў Надзеі ёсць сябры, якія яе падтрымліваюць і заўсёды могуць абараніць.
— Маладога чалавека ў мяне цяпер няма. І я яго не шукаю. Бо ў мяне іншыя мэты, задачы і прыярытэты.
Адказваючы на пытанне пра самую галоўную мару ў жыцці, Надзея кажа, што для яе гэта самарэалізацыя.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары