Свет3232

Дарадца Трампа расказаў, што было ўчора пасля таго, як з Белага дома перасталі весці трансляцыю

Адміністрацыя прэзідэнта ЗША Дональда Трампа аднагалосна выказалася за спыненне перамоў з прэзідэнтам Украіны Уладзімірам Зяленскім. Пра гэта паведаміў у інтэрв'ю тэлеканалу Fox News дарадца прэзідэнта Злучаных Штатаў па нацыянальнай бяспецы Майк Уолц.

Майк Уолц. Фота: AP Photo/Jose Luis Magana

«У нас была нарада пасля гэтай сваркі… Мы фактычна аднагалосна параілі прэзідэнту, што пасля такой абразы ў Авальным кабінеце мы проста не бачым, як можна рухацца наперад, і любое далейшае ўзаемадзеянне будзе крокам назад», — сказаў Майк Уолц у эфіры Fox News.

Уолц заявіў, што, калі Зяленскі лічыў неабходным выказаць нязгоду з падыходамі Трампа, яму варта было зрабіць гэта за зачыненымі дзвярыма, а не публічна.

Уолц таксама расказаў, як ён паведамляў пра прынятае рашэнне ўкраінскай дэлегацыі. Паводле ягоных слоў, кіраўнік Офіса прэзідэнта Украіны Андрэй Ярмак і амбасадарка Украіны ў ЗША Аксана Маркарава нібыта пакідалі сустрэчу практычна ў слязах:

«Я сказаў: спадар прэзідэнт, час тут не на вашым баку. Час не на вашым баку на полі бою. Час не на вашым баку з пункту гледжання сусветнай сітуацыі. І, што самае важнае, дапамога ЗША і памяркоўнасць падаткаплацельшчыкаў не бязмежныя.

Я ведаю, што ён прывык чуць «колькі спатрэбіцца», «так доўга, як спатрэбіцца», «пусты чэк», і ЗША не маюць асаблівага права голасу. Гэта тое, што ён чуў на працягу многіх гадоў ад Байдэна і яго каманды, і да яго не дайшло, што ў горадзе новы шэрыф, новы прэзідэнт, і мы маем намер выкарыстоўваць новы падыход да міру», — сказаў ён у каментары Fox.

«І дазвольце мне яшчэ сёе-тое сказаць на тэму таго, што гэта ўсё было падстроена. Гэта — дакладна няпраўда. Мы падрыхтавалі ўсходні пакой для цырымоніі падпісання дамовы абодвума лідарамі, што дазволіла б ЗША і Украіне аб'яднацца эканамічна дзякуючы рэдказямельным металам, якія патрэбныя нам, і эканамічным інвестыцыям, у якіх маюць патрэбу яны.

І гэта ўсё адбывалася на фоне заяў прэм'ера Вялікабрытаніі Стармера і прэзідэнта Францыі Макрона, якія казалі пра адпраўку войскаў. Так што гэта рэальна магло і павінна было стаць пазітыўным момантам для Украіны, пасля якога мы працягнулі б абмеркаванне пытання з Расіяй і паклалі б канец вайне, спынілі б смерці і разбурэнне.

Але замест гэтага нам стала ясна — і думаю, менавіта гэта знервавала і нават раззлавала прэзідэнта — што па Зяленскім не відаць, што ён хоча спынення вайны».

Каментары32

  • Filipp
    01.03.2025
    Абодва бакі панеслі страты, паглядзім што будзе далей.
  • Добры чалавек
    01.03.2025
    Вельмі добра Зеленскі!
  • ...
    01.03.2025
    Хлусня на хлусні. Усе ўсё бачылі і чулі. У жывым эфіры.

Цяпер чытаюць

Крутога айцішніка, які вярнуўся з Грузіі, асудзілі па чатырох палітычных артыкулах1

Крутога айцішніка, які вярнуўся з Грузіі, асудзілі па чатырох палітычных артыкулах

Усе навіны →
Усе навіны

Гэтай мінчанцы 17 гадоў, а яна ўваходзіць у топ-10 найлепшых хэндлераў Еўропы3

Кожныя два метры — пераход. Сюрпрыз для веласіпедыстаў у Мінску1

Сырскі папрасіў Трампа дапамагчы Украіне перанесці вайну на тэрыторыю Расіі7

Ва ўкраінскі палон трапіў 58-гадовы беларус, што ваяваў на баку Расіі8

А цяпер так можна? Як гісторык трапіў у Wargaming, замацаваўся ў ІТ і ўжо не баіцца ні крызісаў, ні ШІ2

«Як дабівацца праўды?» Пасля смерці школьніцы ў бальніцы Ельска бацькам не даюць ніякай інфармацыі пра расследаванне11

Кляшчы пакусалі 2000 беларусаў у адной толькі вобласці5

Беларус збірае мільёны праглядаў, паказваючы, як навучае пенсіянераў карыстацца смартфонамі3

Зяленскі падпарадкаваў антыкарупцыйныя ведамствы пракуратуры — людзі выйшлі на пратэсты13

больш чытаных навін
больш лайканых навін

Крутога айцішніка, які вярнуўся з Грузіі, асудзілі па чатырох палітычных артыкулах1

Крутога айцішніка, які вярнуўся з Грузіі, асудзілі па чатырох палітычных артыкулах

Галоўнае
Усе навіны →

Заўвага:

 

 

 

 

Закрыць Паведаміць