Здарэнне адбылося ў верасні 2024 года ў адной з вёсак Глускага раёна. Вяскоўка, вярнуўшыся вечарам з працы, знайшла сужыцеля, які ляжаў у двары на канапе. Паколькі мужчына злоўжываў алкаголем, яна вырашыла, што ён проста спіць, і не стала яго турбаваць.
Аднак наступнай раніцай жанчына заўважыла, што мужчына хрыпіць, а ягоная галава ў крыві. Яна выклікала хуткую дапамогу — мужчыну ў цяжкім стане даставілі ў бальніцу, паведамляе Дзяржкамітэт судовых экспертыз.
Медыкі выявілі адкрытае пранікальнае раненне галавы і іншароднае цела ў мазгу, а потым дасталі кулю вагой 2,5 г.
Следчыя разам са спецыялістамі Дзяржаўнага камітэта судовых экспертыз правялі агляд месца здарэння і апыталі знаёмых. Таксама стала вядома, што гэта была куля малакалібернага патрона кольцавага ўзгарання 5,6×16R, прызначанага для стральбы з наразной агнястрэльнай зброі.
У выніку выявілася наступнае. Пацярпелы круціў пісталет каля галавы, дэманструючы яго сябру, і тут адбыўся стрэл. Ад удару мужчына ўпаў на канапу, а ягоны сябра, спалохаўшыся, збег.
Праз некаторы час прыйшоў яшчэ адзін знаёмы, які вырашыў, што гаспадар проста п’яны і спіць. Аднак ён заўважыў самаробны пісталет на зямлі, забраў яго і схаваў дома, а пазней разабраў і выкінуў у штучны вадаём.
Цяпер гэты мужчына прыцягваецца да крымінальнай адказнасці за незаконныя дзеянні ў адносінах да агнястрэльнай зброі.
Следчыя знайшлі выкінутую зброю і накіравалі яе на балістычную экспертызу.
Судовыя эксперты пацвердзілі, што знойдзены ў вадаёме металічны прадмет цыліндрычнай формы быў саматужна зроблены і з’яўляецца ручной кароткарульнай гладкарульнай агнястрэльнай зброяй, прыдатнай для стральбы.
Цяпер чытаюць
На Шры-Ланцы ў 37 гадоў памёр беларускі кінапрадзюсар Андрэй Маталыга2
Каментары