Аляксандр Лукашэнка падпісаў указ, якім удакладняюцца палажэнні аб Міністэрстве абароны і Генеральным штабе Узброеных Сіл. Зроблена гэта «ў мэтах прывядзення ўказа 2006 года ў адпаведнасці з ваеннай дактрынай», паведамляе яго прэсавая служба.
Функцыі Мінабароны дапоўнены палажэннямі па рэалізацыі ва УС мерапрыемстваў па патрыятычным выхаванні. Фота: Мінабароны
Як піша прэс-служба Лукашэнкі, функцыі Мінабароны дапоўнены палажэннямі па рэалізацыі ва УС мерапрыемстваў па патрыятычным выхаванні, а таксама па асвятленні ў СМІ дзейнасці УС.
Акрамя таго, удакладняецца склад калегіі Мінабароны — як менавіта, падрабязнасцяў няма.
Функцыі Генштаба дапоўнены палажэннем па «каардынацыі дзейнасці сілавога кампанента ваеннай арганізацыі дзяржавы па пытаннях забеспячэння ваеннай бяспекі і ўзброенай абароны», паведамляе прэс-служба. Што за гэтым стаіць, не ўдакладняецца.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары