Прэзідэнт Украіны мяркуе, што без доўгатэрміновых абавязальніцтваў Захаду Расія скарыстаецца спыненнем агню як магчымасцю для пераўзбраення і падрыхтоўкі новага наступу.
Украіна пойдзе на перамовы з Расіяй, калі ЗША дадуць ёй гарантыі бяспекі, заявіў прэзідэнт Украіны Уладзімір Зяленскі ў інтэрв'ю Bloomberg.
«Адзінае пытанне ў тым, якія гарантыі бяспекі, і шчыра кажучы, я хачу мець разуменне да пачатку перамоў», — сказаў ён і растлумачыў, што, на яго думку, без доўгатэрміновых абавязальніцтваў Захаду Расія скарыстаецца спыненнем агню як магчымасцю для пераўзбраення і падрыхтоўкі новага наступу.
Як лічыць Зяленскі, урэгуляванне немагчыма без удзелу ЗША, нават калі «некаторыя еўрапейскія сябры» думаюць інакш. «Не, гэтага не можа быць. Ніхто не будзе рызыкаваць без Злучаных Штатаў», — запэўніў ён. Прэзідэнт Украіны назваў прэзідэнта ЗША Дональда Трампа найбольш уплывовым у гэтым пытанні разам з кітайскім старшынёй Сі Цзіньпінам.
«Я думаю, што няма іншага саюзніка, які сапраўды можа гэта зрабіць. Яго эканоміка, Пуціна, вельмі моцна залежыць ад Кітая», — дадаў украінскі лідар.
Кіеў не хоча, каб лёс Украіны вырашаўся без яго ўдзелу, працягнуў Зяленскі. Ён выказаў упэўненасць, што ЗША гэтага не дапусцяць, але адзначыў: «Хоць не ўпэўнены, што раней гэтага не адбывалася. Тут я кажу не толькі пра Амерыку, але і пра некаторых еўрапейскіх партнёраў».
-
Юнак з Бураціі тры гады марыў ваяваць ва Украіне. Падпісаў кантракт на наступны дзень пасля 18‑годдзя — і праз два месяцы загінуў
-
Дональд Туск дапускае прамыя расійскія ўдары па тэрыторыі Польшчы ў найбліжэйшы час
-
У час удару па ўкраінскім памежным пераходзе там былі еўрапейскія дарадцы па бяспецы і Борыс Джонсан
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары