Prezident Ukrainy miarkuje, što biez doŭhaterminovych abaviazalnictvaŭ Zachadu Rasija skarystajecca spynieńniem ahniu jak mahčymaściu dla pieraŭzbrajeńnia i padrychtoŭki novaha nastupu.
Ukraina pojdzie na pieramovy z Rasijaj, kali ZŠA daduć joj harantyi biaśpieki, zajaviŭ prezident Ukrainy Uładzimir Zialenski ŭ intervju Bloomberg.
«Adzinaje pytańnie ŭ tym, jakija harantyi biaśpieki, i ščyra kažučy, ja chaču mieć razumieńnie da pačatku pieramoŭ», — skazaŭ jon i rastłumačyŭ, što, na jaho dumku, biez doŭhaterminovych abaviazalnictvaŭ Zachadu Rasija skarystajecca spynieńniem ahniu jak mahčymaściu dla pieraŭzbrajeńnia i padrychtoŭki novaha nastupu.
Jak ličyć Zialenski, urehulavańnie niemahčyma biez udziełu ZŠA, navat kali «niekatoryja jeŭrapiejskija siabry» dumajuć inakš. «Nie, hetaha nie moža być. Nichto nie budzie ryzykavać biez Złučanych Štataŭ», — zapeŭniŭ jon. Prezident Ukrainy nazvaŭ prezidenta ZŠA Donalda Trampa najbolš upłyvovym u hetym pytańni razam z kitajskim staršynioj Si Czińpinam.
«Ja dumaju, što niama inšaha sajuźnika, jaki sapraŭdy moža heta zrabić. Jaho ekanomika, Pucina, vielmi mocna zaležyć ad Kitaja», — dadaŭ ukrainski lidar.
Kijeŭ nie choča, kab los Ukrainy vyrašaŭsia bieź jaho ŭdziełu, praciahnuŭ Zialenski. Jon vykazaŭ upeŭnienaść, što ZŠA hetaha nie dapuściać, ale adznačyŭ: «Choć nie ŭpeŭnieny, što raniej hetaha nie adbyvałasia. Tut ja kažu nie tolki pra Amieryku, ale i pra niekatorych jeŭrapiejskich partnioraŭ».
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ12
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary