Амаль год таму жыхарка Жыткавічаў паслізнулася і ўпала на лёдзе, два месяцы прахадзіла з гіпсам і яшчэ паўгода заняла рэабілітацыя. Пасля таго жанчына падала ў суд на райвыканкам і нават выйграла гэтую справу, паведаміла Генпракуратура.
У студзені мінулага года жанчына паслізнулася і атрымала пераломы костак левай рукі са зрушэннем. Жыхарку прааперавалі. Больш за два месяцы яна праходзіла з гіпсам, яшчэ паўгода заняла рэабілітацыя.
Пры гэтым упала яна на тратуарнай дарожцы, якая не была апрацаваная ад наледзі камунальнымі службамі. Таму жанчына вырашыла судзіцца і падала пазоў.
Суд першай інстанцыі палічыў недаказаным атрыманне пазоўніцай траўмы з-за галалёдзіцы, а таксама спаслаўся на супярэчнасці ў звестках аб прыналежнасці зямельнага ўчастка, дзе здарылася падзенне.
Тады жанчына звярнулася ў пракуратуру, і тая стала на яе бок. Пракурор палічыў, што доказы, якія прадставілі пацярпелая і сведкі, паслядоўныя і дапушчальныя, а суд не ўстанавіў, у каго на балансе знаходзіцца тая дарожка.
У выніку судовая калегія па грамадзянскіх справах Гомельскага абласнога суда апеляцыйны пратэст пракурора задаволіла, бо райвыканкам не ўсклаў на каго-небудзь абавязак утрымліваць і абслугоўваць канкрэтны ўчастак тратуара.
Таксама суд улічыў цяжар наступстваў і спагнаў з Жыткавіцкага райвыканкама на карысць жанчыны 10 тысяч рублёў.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»32
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары