Грамадства1515

Акадэмія навук: Мы можам спраектаваць электрарухавік не горшы чым «Тэсла», але гэта бессэнсоўна

Да канца года НАН абяцае сабраць і пратэставаць пяць узораў першага беларускага легкавога электрамабіля. Хоць урад анансаваў яго з'яўленне да восені.

Фота: av.by

Батарэі і праграмнае забеспячэнне для першага беларускага электрамабіля распрацавалі ў Акадэміі навук. Прынамсі, так сцвярджае намеснік дырэктара Аб'яднанага інстытута машынабудавання НАН Беларусі Аляксандр Бялевіч.

Пры гэтым літыяіённыя ячэйкі закупляюць у Кітаі, пішуць «Мінск-Навіны».

«Сілавая ўстаноўка не толькі ключавы кампанент у сістэме электрамабіля. Ад 30 да 50% кошту ўсяго электрамабіля складае літыяіённая батарэя. Калі яе ёмістасць падае да 80 %, яна падлягае замене. Айчынная электроніка на батарэі дазваляе дакладна кантраляваць гэты параметр. Літыяіённыя ячэйкі мы закупляем у Кітаі, а ўся канструкцыя батарэі і яе электроніка распрацаваныя намі», — сцвярджае Бялевіч.

Электроніку рухавікоў у Беларусі стваралі групы на БЕЛАЗе і «БКМ холдынгу», а таксама каманда, якая распрацоўвала «ё-мабіль» расійскага бізнэсмена Міхаіла Прохарава.

Распрацаваныя ў акадэміі софт і электроніка дазволяць кантраляваць ёмістасць і працаздольнасць батарэі. Адпрацаваныя батарэі збіраюцца ўсталёўваць у стацыянарных назапашвальніках электраэнергіі — прылады, якія кампенсуюць скачкі напружання ў сетцы. Іх будуць прадаваць прадпрыемствам і бальніцам.

Пры гэтым праектаваць электрарухавік у Беларусі не збіраюцца. Хоць Бялевіч лічыць, што ягоны інстытут можа стварыць рухавік не горшы, чым у «Тэслы».

«Мы можам спраектаваць электрарухавік не горшы, чым у «Тэслы», — перакананы навуковец. — Аднак за ім стаяць асаблівыя вытворчыя тэхналогіі. Для іх патрэбныя міжнародныя рынкі са шматмільённым попытам, якога ў беларускіх прадпрыемстваў пакуль няма. Таму бессэнсоўна траціцца на такія тэхналогіі — яны не акупяцца.

Айчынныя прадпрыемствы пакуль працуюць у рамках сваіх абмежаванняў, але імкнуцца адпавядаць тэхніка-эканамічным паказчыкам замежных узораў», — заявіў Бялевіч.

Увесну тагачасны віцэ-прэм'ер Пятро Пархомчык заяўляў, што першыя ўзоры беларускага электрамабіля з'явяцца да восені, а да канца года яго запусцяць у серыйную вытворчасць. Мяркуючы па ўсім, тэрміны ў чарговы раз ссунуліся.

Каментары15

  • Алекс
    04.12.2024
    30 лет популизма
  • Гигин
    04.12.2024
    Зато этот Белевич может неплохо выступать в цирке.
  • клас!
    04.12.2024
    мы можам. але не хочам
    гэта вам не тое, што
    мы хочам, але не можам

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

Сабаленка пракаментавала, што яе нецэнзурныя словы адрасаваліся не Світолінай16

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

Латушка заклікаў адхіліць Арыну Сабаленка ад усіх турніраў пад эгідай WTA39

Дырэктар сеткі салонаў «На сувязі» застрэліў на паляванні мядзведзя21

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока36

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць