Зламыснікі пішуць нібыта ад імя адміністрацыі месенджара.
У Беларусі ашуканцы ўжываюць новы спосаб угону акаўнтаў у Telegram. Яны спрабуюць выдаць сябе за адміністратараў Telegram. Яны паведамляюць карыстальніку, што акаўнт спрабуюць узламаць, піша Onliner.
Зламыснікі выкарыстоўваюць іконку з лагатыпам Telegram і дасылаюць паведамленне з такім тэкстам:
«Ваш акаўнт быў узламаны зламыснікамі. Было здзейснена мноства спробаў уваходу ў ваш акаўнт».
Затым невядомыя прапануюць перайсці па спасылцы, каб абараніць свае даныя. Спасылка, натуральна, фішынгавая, пераход па ёй можа прывесці да страты акаўнта.
Распазнаць фальшывага адміністратара можна па некалькіх прыкметах: напрыклад, іконка акаўнта крывая і без птушачкі, нумар тэлефона скрыты, а ўказаны IP звычайна ўбіты наўздагад — ён знаходзіцца, напрыклад, у Мексіцы.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны30
Каментары