Расіяне змаглі ўклініцца ва ўкраінскую лінію абароны ў раёне горада Часаў Яр у Данецкай вобласці, паведаміў прадстаўнік прэс-службы 24-й асобнай механізаванай брыгады Іван Петрычак у эфіры тэлемарафона 22 кастрычніка.
«На жаль, ворагу ўдалося ўклініцца ў нашу лінію абароны, але аб крытычным правале і страце Часавага Яра размова не ідзе. Цяпер працягваюцца моцныя баі», — заявіў Петрычак.
Ён зазначыў, што сітуацыя напружаная і была такой на працягу апошняга месяца. Не было дня, калі б расіяне не спрабавалі штурмаваць.
Інфармацыю пра тое, што расіяне прарвалі абарону Часавага Яра, паведаміў учора BILD.
Выданне адзначала, што расіяне некалькі месяцаў не маглі перайсці канал Северскі Данец — Данбас на ўсходзе, аднак у пятніцу чачэнскі авангард фарсіраваў яго і прасунуўся на 2,5 км на захад уздоўж паўднёвай ускраіны Часавага Яра.
«Пасля пяці месяцаў жорсткіх баёў расійская армія прарвала ўкраінскі фронт на поўдзень ад Часавага Яра і паставіла свой сцяг на прамысловым будынку ў 2,5 км за каналам. Бачныя расійскія салдаты, якія падымаюцца на будынак і рыхтуюць там плацдарм», — напісала выданне.
Часаў Яр знаходзіцца на пануючай вышыні. Украінскія эксперты адзначалі, што захоп Часавага Яра адкрые дарогу расійскім войскам на Краматорск і Славянск.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары