Новае даследаванне паказала, што такія дзеянні могуць максімальна нашкодзіць.
Некаторыя людзі лічаць, што рэўнасць і ўласніцкія пачуцці — гэта прыкметы палымяных адносін. Аднак эксперты папярэджваюць, што флірт з іншымі, каб выклікаць рэўнасць у свайго партнёра і «падагрэць» адносіны, можа прывесці да страты самага дарагога чалавека.
Як піша Daily Mail, навукоўцы з Універсітэта Райхмана ў Тэль-Авіве правялі тры розныя даследаванні, каб вывучыць, як людзі рэагуюць на праяву цікавасці да іх партнёра з боку іншых. Больш за 500 удзельнікаў, якія знаходзяцца ў сур'ёзных адносінах, былі пастаўленыя ў сітуацыі, калі з іх партнёрам фліртавалі або нейтральна размаўлялі.
Удзельнікаў даследавання прасілі ацаніць тры аспекты іх пачуццяў і паводзін у дачыненні да партнёра: па-першае, іх сэксуальнае жаданне да партнёра; па-другое, іх цікавасць да захавання адносін; і, па-трэцяе, іх гатоўнасць змагацца за адносіны і супрацьстаяць таму, хто спрабаваў заваяваць іх партнёра.
Аналіз вынікаў даследавання, апублікаваны ў The Journal of Sex Research, паказаў наступнае: калі іншыя людзі праяўлялі цікавасць да партнёра ўдзельніка, у самога ўдзельніка зніжалася матывацыя ўкладацца ў адносіны, а сам партнёр пачынаў успрымацца як менш сэксуальна прывабны.
Як тлумачаць аўтары, калі чалавек адзінокі, увага з боку іншых да патэнцыйнага партнёра можа разглядацца як пазітыўны сігнал, які сведчыць пра яго прывабнасць. Аднак калі чалавек ужо знаходзіцца ў сур'ёзных адносінах, то такая ўвага з боку іншых можа ўспрымацца як пагроза адносінам і выклікаць абарончыя рэакцыі.
Сутыкнуўшыся з «пагрозай» у выглядзе ўвагі з боку іншых да свайго партнёра, чалавек можа пачаць дыстанцыявацца ад яго, каб пазбегнуць эмацыйнага ўдару ў выпадку магчымага разрыву адносін.
Аднак, нягледзячы на гэта, у чалавека можа заставацца жаданне аказаць супраціў магчымаму суперніку, але яно больш звязана з пачуццём помсты або рэакцыяй у адказ на пагрозу, а не са шчырым імкненнем захаваць адносіны.
«Нашы вынікі паказваюць, што, насуперак распаўсюджанаму меркаванню, спроба выклікаць цікавасць у партнёра шляхам прыцягнення ўвагі з боку іншых можа мець непрыемныя наступствы», — пішуць аўтары.
Цяпер чытаюць
«У нас усе размаўляюць на рускай мове». Дзіцячы цэнтр не ўзяў на працу жанчыну, бо яна размаўляе па-беларуску5
«У нас усе размаўляюць на рускай мове». Дзіцячы цэнтр не ўзяў на працу жанчыну, бо яна размаўляе па-беларуску
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары