Фота Шаміля Басаева ўсё ж прыбралі з экспазіцыі абхазскага музея. Прымушаць прыязджаў міністр абароны
Па патрабаванні міністра абароны самаабвешчанай Абхазіі Уладзіміра Ануа экспазіцыя з фотаздымкамі герояў Абхазіі, у тым ліку Шаміля Басаева, «выдаленая ў архіў» Дзяржаўнага музея ў Сухумі. Пра гэта паведамляе «Эхо Кавказа».
Паведамляецца, што Уладзімір Ануа разам са сваімі намеснікамі наведаў музей і настаяў на закрыцці экспазіцыі, нягледзячы на пярэчанні супрацоўнікаў музея, перадае абхазскае агенцтва «Аіашара».
«Цяпер на месцы экспазіцыі пустата. Фота пяці герояў Абхазіі, як і патрабаваў міністр Ануа, прыбралі ў архіў», — паведамляе агенцтва.
Пры гэтым сцвярджаецца, што незадаволенасць Ануа была звязана з фатаграфіяй яшчэ аднаго героя Абхазіі — кабардзінца Ібрагіма Яганава. Ён змагаецца за прызнанне генацыду Расіяй чаркескага народа ў XIX стагоддзі, а падчас цяперашняй вайны выступіў у падтрымку Украіны.
Акрамя Ібрагіма Яганава і Шаміля Басаева, па патрабаванні таго ж Уладзіміра Ануа былі выдаленыя фатаграфіі яшчэ трох чалавек са званнямі герояў Абхазіі: Мухамеда Кілба, Хамзата Ханкарава і Джумы Чырыкбая.
«Як удалося высветліць, ніякага пісьмовага распараджэння аб пераносе экспазіцыі ў архіў ні з Міністэрства культуры Абхазіі, ні ад прэм'ер-міністра кіраўніцтву Дзяржмузея не паступала», — піша выданне.
Раней пра фатаграфію Шаміля Басаева, размешчаную ў Дзяржаўным музеі самаабвешчанай Абхазіі, паведамілі ў расійскіх тэлеграм-каналах. У расійскай амбасадзе ў Сухумі заявілі, што лічаць дэманстрацыю партрэта недапушчальнай. Але ў адміністрацыі музея казалі, што не маюць намеру прыбіраць здымак да рашэння суда або загаду аб пазбаўленні Басаева звання героя Абхазіі.
Шаміль Басаеў — адна з ключавых постацяў чачэнскай вайны за незалежнасць ад Расіі, якая адбывалася ў 1990-я гады. Ён працягваў змаганне нават пасля таго, як расійскай арміі ўдалося ўзяць тэрыторыю Чачні пад кантроль, расійскім спецслужбам удалося яго забіць толькі 10 ліпеня 2006 года. Да таго часу ён лічыўся ў чачэнскім супраціве фігурай № 1.
У Абхазіі Басаева, як і Ібрагіма Яганава, шануюць за тое, што яны бралі ўдзел у грузіна-абхазскай вайне 1992-1993 гадоў на баку Абхазіі.
У Дзяржаўным музеі Абхазіі вісіць партрэт Шаміля Басаева. І здымаць яго пакуль адмаўляюцца
Расія дабіваецца, каб Абхазія дазволіла масавае перасяленне туды расіян. Для гэтага спыніла выплату заробкаў абхазам
Грузія не пусціла пенсіянераў-турыстаў з Беларусі. Вось што стала прычынай
Што атрымаў Лукашэнка за візіт у Абхазію?
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары