У беларускага офіса EPAM выручка ўпала на 42%, а прыбытак — у 5 разоў
Выручка ад рэалізацыі ў беларускім офісе IT-кампаній EPAM у 2023 годзе склала крыху больш за 550 млн рублёў. За год яна скарацілася на 42%: у 2022-м гэты паказчык перавышаў 943 млн рублёў. Гэта вынікае з бухгалтарскай справаздачнасці кампаніі, піша Office Life.
У параўнанні з 2021 годам выручка кампаніі скарацілася больш чым на палову: тады яна была роўная 1251,7 млн рублёў.
Што тычыцца сукупнага прыбытку за мінулы год, то ён і ўвогуле скараціўся ў пяць разоў — да 20,2 млн рублёў. Калі ж параўноўваць з 2021 годам, зніжэнне яшчэ больш істотнае — у 10 разоў: тады ён перавышаў 200,5 млн рублёў.
Валавы прыбытак паменшыўся з 155,7 млн да 35 млн рублёў. Чысты прыбытак — амаль з 87,5 млн да 18,3 млн рублёў. Паступленне грашовых сродкаў скарацілася за год з 2,046 млрд да 1,556 млрд рублёў, у тым ліку ад пакупнікоў — з 1,122 млрд да 977,5 млн рублёў.
Па доўгатэрміновых актывах кампаніі скарачэнне за год склала 14% — да 108,4 млн рублёў. Скараціўся амаль на 40% і неразмеркаваны прыбытак: з 493,7 млн да 308,2 млн рублёў. На канец 2021 года гэты паказчык і ўвогуле складаў 937,2 млн рублёў.
У выніку падзенне паказчыкаў прывяло да таго, што скараціліся і падаткі ад кампаніі. У 2023 годзе беларускі офіс заплаціў крыху больш за 95 млн рублёў, гэта на 44% менш, чым годам раней, калі кампанія заплаціла амаль 170 млн рублёў.
Менш на 40% выдаткавалі і на аплату працы — каля 418 млн рублёў супраць 676,5 млн годам раней.
Сярэдняя колькасць супрацоўнікаў беларускага офіса за 2023 год пазначаная 4965 чалавек, а ўжо ў бягучым годзе — 4425.
Раней стала вядома, што на канец 2023 года актывы EPAM у Беларусі складалі амаль $49,9 млн. За год яны скараціліся на $7,4 млн. За I квартал 2024-га іх кошт актываў знізіўся прыкладна на $1,5 млн, да $48,5 млн.
Менш стала і грошай на рахунках у банках Беларусі. Калі на канец мінулага года сума перавышала $38 млн, за студзень — сакавік 2024-га яна паменшылася да $31 млн. А справаздачнасць глабальнай кампаніі за I квартал паказала, што ў цэлым прыкметна скараціліся выручка і штат.
На гэтым фоне акцыі абваліліся да ўзроўню сакавіка 2020-га.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары