Больш за сотню вёсак Гомельшчыны ўсё яшчэ чакаюць аднаўлення электразабеспячэння
Праз тыдзень пасля ўрагану ўладам так і не ўдалося цалкам ліквідаваць яго наступствы.
Непагадзь 13 і 14 ліпеня ў Беларусі прывяла да маштабных пашкоджанняў у сістэме электраперадачы, парушэнняў водазабеспячэння, разбурэнняў. Больш за ўсё ад ураганнага ветру пацярпела Гомельская вобласць, дзе ўводзілі рэжым надзвычайнай сітуацыі.
Паводле інфармацыі МНС, у гэтыя дні праз стыхію загінула шэсць чалавек.
Як сёння паведаміў міністр энергетыкі Віктар Каранкевіч на пасяджэнні аператыўнага штаба па ліквідацыі наступстваў непагадзі ў Гомельскай вобласці, напружаная сітуацыя з падачай энергазабеспячэння ў асобныя домаўладанні захоўваецца ў Жлобінскім і Рэчыцкім раёнах.
Спецыялісты паспрабуюць вырашыць гэтае пытанне за сённяшні дзень.
У прэс-службе Міністэрства энергетыкі паведамілі, што цяпер над ліквідацыяй наступстваў ураганнага ветру толькі ў Жлобінскім раёне працуюць 32 аварыйныя брыгады. Гэта раён лічыцца найбольш пацярпелым. 44 населеныя пункты раёна (са 155) сёння забяспечваецца электрычнасцю толькі дызель-генератарнымі ўстаноўкамі.
Усяго ў ліквідацыі наступстваў непагадзі ў Гомельскай вобласці задзейнічана больш за 140 брыгад і 210 адзінак тэхнікі.
Агулам аднаўленчыя работы працягваюцца ў 122 населеных пунктах Гомельскай вобласці, у 508 тэхналагічныя парушэнні ўжо ліквідаваныя.
«Гэтая праца вядзецца па заяўках спажыўцоў», — удакладняе ведамства. Задаволена больш за 2 тыс. такіх заявак.
Цяпер чытаюць
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў18
Каментары