Беларус-дальнабойшчык у Польшчы пашкодзіў тры машыны. Каб выслухаць абвінавачванне, яму давялося працверазець
Цяпер мужчыну пагражае да трох гадоў турмы.
Беларус-дальнабойшчык быў затрыманы ў Люблінскім ваяводстве Польшчы.
Днём 17 чэрвеня відавочцы паведамілі пра грузавік Mercedes, які рухаўся па дарозе па дзіўнай траекторыі і пашкодзіў люстэркі дзвюх прыпаркаваных фур. Машына ехала ў бок мяжы з Беларуссю праз Бяла-Падляску і Холу.
Праз некаторы час паліцыя атрымала яшчэ адзін сігнал пра гэты самы грузавік — відавочцы паскардзіліся на дзіўныя і небяспечныя манеўры. Акрамя таго, у ваколіцах Холы ён пашкодзіў яшчэ адзін прыпаркаваны аўтамабіль, паведамілі ў польскай паліцыі.
Затрымалі кіроўцу ўжо ў чарзе на мяжы па сігнале ягоных калег. Як аказалася, за рулём знаходзіўся 53-гадовы беларус — і ён быў моцна п'яны. У арганізме ў дальнабойшчыка знайшлі больш за 2 праміле алкаголю.
Беларуса затрымалі, аўтамабіль адправілі на штрафстаянку. Калі мужчына працверазеў, яму выставілі абвінавачванні ў п'яным кіраванні і парушэнні ПДР. Цяпер дальнабойшчыку пагражае да трох гадоў турмы, забарона на кіраванне і вялікі штраф.
Цяпер чытаюць
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё3
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары