Жыхары Паўночнай Карэі пачалі ўпрыгожваць сцены партрэтамі цяперашняга лідара КНДР Кім Чэн Ына разам з выявамі яго папярэднікаў: заснавальніка рэспублікі Кім Ір Сена і яго пераемніка, бацькі сённяшняга старшыні Дзяржсавета Кім Чэн Іра.
Паўднёвакарэйскае агенцтва Рэнхап звярнула ўвагу, што дэманстрацыя трох размешчаных побач партрэтаў у дзяржаўных СМІ КНДР адбылася ўпершыню. Паводле яго інфармацыі, гэта адбываецца ў рамках паслядоўнага ўзмацнення культу асобы цяперашняга лідара.
«Гэта вельмі важна, паколькі выява партрэта Кім Чэн Ына побач з партрэтамі яго папярэднікаў азначае яго роўнае становішча з былымі лідарамі», — растлумачыў старшы навуковы супрацоўнік Карэйскага інстытута Нацыянальнага аб'яднання Хонг Мін.
Ён удакладніў, што такая дэманстрацыя можа стаць шырока распаўсюджанай у іншых месцах.
Тры партрэты былі паказаныя ў класе ў Цэнтральнай школе для падрыхтоўкі кадраў Працоўнай партыі Карэі, Кім Чэн Ын узяў удзел у цырымоніі завяршэння будаўніцтва будынка 21 мая.
Партрэты Кім Ір Сена (дзеда сённяшняга кіраўніка КНДР) і Кім Чэн Іра (бацькі Чэн Ына) у краіне можна сустрэць паўсюдна, у тым ліку ў кватэрах, у метро, у офісах. Яны высока цэняцца, іх неабходна ратаваць любой цаной з рызыкай для свайго жыцця або для жыццяў сваіх блізкіх.
Таксама яны павінна размяшчацца на асобнай сцяне, куды не павінны больш нічога вешаць. Іх трэба рэгулярна праціраць спецыяльнай тканінай і вадкасцю, за чым сочыць спецыяльная камісія, якая можа завітаць з інспекцыяй у кватэру нават ноччу.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары