Свет1111

Што вядома пра аварыю з верталётам прэзідэнта Ірана

Верталёт Мі-171, на борце якога ляцеў прэзідэнт Ірана Ібрахім Раісі, трапіў у аварыю недалёка ад мяжы з Азербайджанам. Пошукі яго дагэтуль працягваюцца.

Раісі і Аліеў. Скрын відэа

Верталёт, на борце якога быў 63-гадовы Раісі, знаходзіцца ў раёне вёскі Узі. Гэта цяжкадаступная горная мясцовасць. На пошукі Ібрахіма Раісі адправілі 40 выратавальных брыгад.

Кіраўнік МУС Ірана паведаміў падрабязнасці аб аварыі верталёта з прэзідэнтам.

«З-за надвор'я і туману верталёту з прэзідэнтам прыйшлося здзейсніць жорсткую пасадку», — сказаў Ахмад Вахідзі ў эфіры дзяржаўнага тэлеканала IRIB. 

Разам з Раісі падарожнічалі міністр замежных спраў Ірана Хасейн Амірабдалахіян, губернатар іранскай правінцыі Усходні Азербайджан і іншыя афіцыйныя асобы і целаахоўнікі.

Два верталёты суправаджэння даляцелі шчасна, але з прэзідэнцкім верталётам сувязь усталяваць пакуль не ўдалося. Пра лёс тых, хто знаходзіўся на яго борце, нічога не вядома.

Як піша агенцтва Reuters, іранскі чыноўнік, імя якога не называецца, заявіў, што жыцці Раісі і міністра замежных спраў «пад пагрозай пасля крушэння верталёта».

«Мы ўсё яшчэ спадзяемся, але інфармацыя, якая паступае з месца крушэння, выклікае вялікую занепакоенасць», — сказаў чыноўнік.

Раней агенцтва Mehr пісала, што Раісі едзе на аўто у Тэбрыз, але пасля выдаліла паведамленне.

Пошукавая аперацыя ўскладнена з-за надвор’я. З-за моцнага туману пошукі верталёта з Раісі з паветра прыпыненыя. Працуюць толькі пешыя групы.

На тэлеканалах Ірана паказваюць, як тысячы людзей моляцца за Раісі ва ўсіх мячэцях краіны.

Незадоўга да крушэння Раісі сустракаўся з прэзідэнтам Азербайджана Ільхамам Аліевым на мяжы краіны. Там праходзіла ўрачыстая цырымонія адкрыцця новых гідравузлоў «Худаферын» і «Гыз-Галасы» на рацэ Араз.

Раісі перамог на прэзідэнцкіх выбарах у Іране ў 2021 годзе. Тыя выбары прайшлі пры самай нізкай яўцы выбаршчыкаў за ўсю гісторыю Ісламскай Рэспублікі. Раісі знаходзіцца пад санкцыямі ЗША збольшага з-за яго датычнасці да масавага пакарання тысяч палітычных зняволеных у 1988 годзе ў канцы кровапралітнай Ірана-Іракскай вайны, дадае агенцтва AP.

Каментары11

  • Самосад
    19.05.2024
    Гэта не той Азербайджан, дзе Аліеў, а іранская правінцыя Усходні Азербайджан.
  • кедраневич
    19.05.2024
    Персы надеюцо на лучшее! Знакомая иранка скрестила пальцы! (ухмыляецо)
  • :-))))
    19.05.2024
    Ён едзе на калёсах Тора ў Вальхаллу?

Цяпер чытаюць

Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам8

Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам

Усе навіны →
Усе навіны

У Заслаўі працягваюць зносіць дамы на цэнтральнай вуліцы. У некаторых яшчэ жывуць людзі

Адзінай беларускай пародзе коней пагражае знікненне4

Дызайнеркі прапанавалі беларускую альтэрнатыву папулярнай ляльцы Лабубу7

Гродзенскі «Нёман» не можа вылецець на матч у Арменію3

Прарасійскія рэсурсы запусцілі фэйк пра Фрыдрыха Мерца і паляванне на белых мядзведзяў1

У Кобрыне паскардзіліся, што з крана ў кватэры ідзе «кава». Аказалася, што ў праблемы шырокая геаграфія1

У Перу археолагі адкрылі новы старажытны горад3

Ціханоўская павіншавала літоўцаў з Днём каранацыі Міндоўга6

У Гродне — канфлікт чаек і людзей: адныя крычаць, другія разбураюць гнёзды6

больш чытаных навін
больш лайканых навін

Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам8

Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам

Галоўнае
Усе навіны →

Заўвага:

 

 

 

 

Закрыць Паведаміць