У судзе Ленінскага раёна Мінска 27 сакавіка асудзілі Юлію Каралёву паводле ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх) Крымінальнага кодэкса. Суддзя Юлія Інчына прызначыла Каралёвай два гады абмежавання волі без накіравання ў папраўчую ўстанову адкрытага тыпу («хатняй хіміі»), даведалася «Вясна».
Жанчыну абвінавацілі ва ўдзеле ў «Маршы герояў» 13 верасня 2020 года ў Мінску і выхадзе на праезную частку. Як паведамляецца ў судовай пастанове, Юлія на плячах несла бел-чырвона-белы сцяг і паказвала рукою знак V. На судзе жанчына паведаміла, што выходзіла са знаёмымі на праезную частку, каб сфатаграфавацца.
Мінчанку апазналі па фотаздымку з акцыі пратэсту і з дапамогай даных мабільнага аператара аб тэлефонных злучэннях яе абаненцкага нумара.
Акрамя гэтага, у судовай пастанове паведамляецца пра «актыўнае спрыянне выкрыванню іншых удзельнікаў злачынства» з боку Юліі. Нібыта жанчына падала асабістыя даныя іншых удзельнікаў Маршу, якія былі разам з ёю на фотаздымку. Яе адвакат прасіў улічыць гэты факт і змякчыць пакаранне. Але суд адмовіў, бо, маўляў, «абвінавачваная пазначыла толькі абставіны здзейсненага ёю злачынства».
Да суда Юлія Каралёва знаходзілася пад закладам памерам 18500 рублёў. Падчас следства на кавамашыну жанчыны наклалі арышт, якую пасля абвяшчэння прысуду вярнулі.
Юлія Каралёва мае вышэйшую адукацыю, працуе дырэктаркай таварыства з абмежаванай адказнасцю, гадуе непаўналетняе дзіця. На момант суда яна знаходзілася ў стане цяжарнасці.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме4
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары