Навука і тэхналогіі

Рэвалюцыйны крок у гонцы за новым інтэрнэтам. Стала магчымым спампоўваць квантавыя даныя

Гэтае адкрыццё складана пераацаніць, запэўніваюць навукоўцы з Вялікабрытаніі і Германіі, якія ўпершыню здолелі спампаваць даныя з квантавых камп'ютараў. Што гэта азначае на практыцы для чалавецтва?

Ілюстрацыйная выява. Фота: pixabay

Навукоўцы з Імперскага каледжа і Універсітэта Саўтгемптана ў Вялікабрытаніі разам з даследчыкамі з універсітэтаў Штутгарта і Вюрцбурга ў Германіі зрабілі важны крок да стварэння квантавага інтэрнэту, які ў перспектыве немагчыма ўзламаць і які здольны ў адзін момант вырашаць такія задачы, на якія ў звычайных умовах могуць спатрэбіцца сотні і тысячы гадоў (хуткае стварэнне лекаў ад невылечных хвароб, хуткае і эфектыўнае вырашэнне фінансавых крызісаў і г.д.).

Сутнасць новага адкрыцця даследчыкаў, якое апісаў навуковы партал Interesting Engineering, заключаецца ў паспяховай распрацоўцы прылады, якая здольная адначасова ствараць, захоўваць і спампоўваць даныя з квантавых кампутараў, што раней лічылася амаль невыканальнай задачай.

Рэч у тым, што яшчэ не існуе надзейнага спосабу перадаваць квантавыя даныя па сетцы, бо яны вельмі схільныя да стратаў пры перадачы на вялікія адлегласці з-за хаатычнай і не да канца вядомай прыроды заблытаных квантавых часціц (фатонаў).

Заблытаным фатонам для стабільнай перадачы даных не патрэбна фізічнае ўзаемадзеянне, і яны сінхранізуюцца імгненна на любой адлегласці, але для гэтага ім неабходны аднолькавы квантавы стан (аднолькавая даўжыня хвалі сігналу) на ўсіх пунктах прыёму сувязі, што не могуць даць сучасныя рэтранслятары і ўзмацняльнікі інтэрнэт-сігналу.

Таму галоўнай задачай было стварэнне прылады, якая ў любы момант можа згенераваць заблытаны фатон, забяспечыць яму аднолькавую даўжыню хвалі прыёму сігналу па ўсёй сетцы, і пры гэтым забяспечыць стабільнае захоўванне ды здабычу квантавых даных на вялікай адлегласці.

І ўпершыню ў гэтым усім навукоўцы атрымалі поспех. 

«Была распрацаваная прылада, якая працуе на адной даўжыні хвалі. У гэтай прыладзе генеруюцца незаблытаныя фатоны, якія перадаюцца ў сістэму квантавай памяці (карта памяці прылады), дзе іх захоўваюць з дапамогай атамаў рубідыю. Для ўключэння і выключэння карты памяці і выпуску фатонаў (спампоўкі даных) выкарыстоўваўся лазер.

Акрамя таго, новая прылада цалкам сумяшчальная з наяўнай оптавалаконнай інфраструктурай, што ў будучыні дазволіць хутчэй укараніць новую тэхналогію ў сучасную інфраструктуру глабальнага інтэрнэту», — піша партал Interesting Engineering са спасылкай на брытанскіх і нямецкіх навукоўцаў.

Цяпер даследчыкі плануюць палепшыць сістэму, паменшыўшы яе памер і павялічыўшы працягласць захоўвання заблытаных фатонаў.

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць