Гамяльчанка паскардзілася на калегу, якая на бальнічным хадзіла ў кафэ і на шопінг. Аказалася, гэта не забаронена
Жыхарку абласнога цэнтра збянтэжыла актыўнае жыццё калегі ў інстаграме.
Жыхарка Гомеля паскардзілася на калегу, якая на бальнічным актыўна посціла ў сацсетках фота з кавярняў і крамаў. Гамяльчанка падзялілася душэўным болем з парталам «Белка».
«Калега афіцыйна знаходзіцца на бальнічным па прычыне прастуды. Але ў гэты час выстаўляе ў сябе ў сацыяльных сетках фота, дзе яна адпачывае ў кафэ. А нядаўна яе бачылі ў супермаркеце на шопінгу. Такія паводзіны абураюць не толькі мяне, але і ўвесь наш аддзел. Хвароба яе не моцна турбуе. Ці можна прыцягнуць нядобрасумленную «хворую» да адказнасці за парушэнне бальнічнага рэжыму?» — задалася пытаннем жыхарка абласнога цэнтра.
Як аказалася, нічога крымінальнага ў такіх паводзінах яе калегі няма. Галоўная доктарка Гомельскай паліклінікі № 9 Ганна Ермалаева патлумачыла, што вінаваціць парушэнне бальнічнага рэжыму за наведванне кавярні медыкі не маюць права.
Па інструкцыі, парушэннем будзе лічыцца няяўка на планавы візіт да доктара, а таксама выезд за мяжу падчас бальнічнага. Па словах Ермалаевай, ёсць выпадкі, калі пацыенты з пераломамі ўмудраюцца на бальнічным ездзіць у цёплыя краіны.
Наведванне кафэ, рэстаранаў і гандлёвых цэнтраў у Беларусі на бальнічным не забаронена. Пры гэтым доктар лічыць такія паводзіны няправільнымі з маральнага пункту гледжання, бо хворы, напрыклад, ВРВІ, можа заражаць іншых.
Цяпер чытаюць
«У нас усе размаўляюць на рускай мове». Дзіцячы цэнтр не ўзяў на працу жанчыну, бо яна размаўляе па-беларуску5
«У нас усе размаўляюць на рускай мове». Дзіцячы цэнтр не ўзяў на працу жанчыну, бо яна размаўляе па-беларуску
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары
Сачы за собой! А лепш, за мужам. Ад такіх як ты і гуляюць!)