У Скідзелі пад Гроднам у аб'ектыў беларускіх паляўнічых трапілі незвычайныя птушкі. Іх фатаграфіі з'явіліся ў адным з тэматычных чатаў. Спецыялісты вызначылі, што гэта гусі, але не звыклыя ў нашых шыротах, а нільскія, піша Telegraf.news.
Ад іншых сваіх суродзічаў гэтую птушку адрознівае характэрная іржава-карычневая афарбоўка і цёмна-карычневае кольца на шыі, а таксама прыкметныя цёмна-карычневыя плямы вакол вачэй, якія робяць вельмі выразным позірк птушкі.
У натуральным асяроддзі гэты від жыве ў Афрыцы на поўдзень ад Сахары і ў даліне Ніла ў Егіпце, а ў многіх краінах Еўропы і Азіі часта выкарыстоўваецца ў якасці дэкаратыўнай паркавай птушкі. Пабачыць такога гуся ў Беларусі — вялікая ўдача і рэдкасць.
Паводле інфармацыі партала «Фаўна Беларусі. Пазваночныя», нільскага гуся ўпершыню зафіксавалі ў Беларусі ў пачатку 2020 года. Тады дзве асобіны заўважылі ў ваколіцах вёскі Макараўцы Бераставіцкага раёна.
Пазней арнітолагі па фатаграфіях вызначылі дакладны від птушкі і ўключылі яго ў спіс птушак Беларусі, аднёсшы да катэгорыі С. Сюды ўключаюць інтрадукаваных ці збеглых з няволі птушак, якія стварылі незалежную гнездавую папуляцыю, але размнажацца на тэрыторыі самой краіны яшчэ не сталі.
Цяпер чытаюць
Келагу паказалі кампраметуючыя відэаматэрыялы на беларускую апазіцыю? Так мяркуе Латушка18
Каментары
Зразумела, што ўзімку прасцей у парках застацца, ад мінакоў харчаваньне атрымаць ды і цяплей у горадзе.