Вынеслі прысуд па справе «Байпола». Азараву далі 25 гадоў завочна
Мінскі гарадскі суд прыгаварыў прадстаўнікоў і экс-удзельнікаў «Байпол» са структурнымі падраздзяленнямі «Сітуацыйна-аналітычны цэнтр» і «Мабілізацыйны план «Перамога» на тэрміны ад 11 да 25 гадоў.
Аляксандр Азараў
Найбольшы тэрмін завочна прызначаны Аляксандру Азараву — 25 гадоў пазбаўлення волі. Мацвей Купрэйчык асуджаны на 12 гадоў.
Такі ж тэрмін прысудзілі Уладзіміру Жыгару і Ігару Лобану. Андрэю Астаповічу далі 11 гадоў калоніі.
Былы міністр культуры Руслан Чарнецкі знайшоў сабе падпрацоўку9
Каментары
Абвінавачаным інкрымінавана 11 артыкулаў Крымінальнага кодэксу, паведамляюць праваабаронцы.
Сярод іх:
здрада дзяржаве; арганізацыя (кіраўніцтва) акту тэрарызму;
арганізацыя (кіраўніцтва) наўмыснага прывядзеньня ў непрыдатнасьць шляхоў зносін;
іншыя дзеяньні з мэтай захопу дзяржаўнай улады;
стварэньне і кіраваньне экстрэмісцкім фармаваньнем, у тым ліку паўторна;
садзейнічаньне экстрэмісцкай дзейнасьці;
незаконныя дзеяньні ў дачыненьні да інфармацыі аб прыватным жыцьці і пэрсанальных даных;
распальваньне іншай сацыяльнай варожасьці;
паклёп на прэзыдэнта.