Каталіцкі касцёл у Беларусі не збіраецца бласлаўляць аднаполыя пары, хоць гэта дазволіў Ватыкан
18 снежня 2023 года Ватыкан выдаў дэкларацыю, якая адкрывае магчымасць бласлаўляць аднаполыя пары, але «без якой-кольвек рытуалізацыі або стварэння ўражання шлюбу». Але з паведамлення Канферэнцыі каталіцкіх біскупаў у Беларусі адносна гэтай дэкларацыі, выдадзенага 1 лютага, вынікае, што для Беларусі гэта не будзе актуальна.
Канферэнцыя каталіцкіх біскупаў у Беларусі адзначае, што выдадзеная 18 снежня 2023 года дэкларацыя Fiducia supplicans «яшчэ раз пацвярджае адсутнасць змен у традыцыйным каталіцкім веравучэнні аб сужэнстве, як саюзе мужчыны і жанчыны, і няма ніякага «дазволу» або «благаслаўлення» на аднаполыя саюзы або любое іншае жыццё ў граху», але ў той жа час «дае магчымасць пазалітургічнага благаслаўлення нерэгулярных ці аднаполых пар».
Нягледзячы на гэта,
«Каталіцкі Касцёл у Беларусі не мае намеру ўводзіць у практыку прапанаваную Дэкларацыяй магчымасць благаслаўлення пар, якія жывуць у нерэгулярным саюзе і аднаполых пар».
Святарам і дыяканам, паводле гэтага паведамлення,
«заўсёды неабходна пазбягаць удзялення благаслаўлення менавіта парам, якія жывуць у так званым «грамадзянскім шлюбе», а таксама тым, хто жыве ў кананічна нядзейсным сужэнстве або аднаполым парам. Такое благаслаўленне можа быць успрынята іншымі вернікамі як згода на грэх».
«У той жа час мы з блізкасцю і павагай суправаджаем нашых братоў і сясцёр, якія жывуць у асаблівых сітуацыях, і гатовыя дапамагаць ім набыць глыбейшае разуменне Божай волі на іх жыццёвым шляху да Хрыста і да святасці», — адзначаецца напрыканцы паведамлення.
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія12
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары