«Белавія» працягнула акцыю яшчэ на адзін дзень, бо сайт кепска працаваў
У авіякампаніі «Белавія» прызналі, што распродаж авіяквіткоў, абвешчаны на 17 студзеня, «прайшоў не так, як задумвалася». Таму кампанія вырашыла працягнуць распродаж яшчэ на адзін дзень, паведамляе прэс-служба авіякампаніі.
«Падчас правядзення акцыі наш сайт працаваў з перабоямі, што ўскладняла куплю авіяквіткоў. Чаму так адбылося? Гэта першая акцыя такога маштабу на новым «рухавічку» для браніравання білетаў, які не справіўся з наплывам ахвотных купіць білеты», — патлумачылі сітуацыю ў авіякампаніі.
У «Белавіі» адзначылі, што правялі працу над памылкамі і за самы кароткі час аднавілі працаздольнасць сайта.
«Мы прынялі рашэнне працягнуць акцыю яшчэ на адзін дзень», — расказалі ў кампаніі.
Купіць білеты па тарыфе ад 24 еўра можна да 23.59 18 студзеня. Умовы акцыі застануцца ранейшымі.
17 студзеня «Белавія» абвясціла распродаж на ўсе прамыя рэгулярныя рэйсы. Акцыйны білет у адзін бок абыдзецца ў 24 еўра, туды-назад — 48 еўра. Але да гэтай цаны трэба дадаваць яшчэ розныя таксы і зборы.
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары