67-гадовая беларуска вярнулася са Швецыі. Цяпер ёй пагражае да дзесяці гадоў турмы
Галіна Краснянская, імаверна, стала жыла ў Швецыі і нават удзельнічала ў жыцці дыяспары. Але час ад часу вярталася ў Беларусь. У адзін з такіх разоў яе затрымалі. Распавядаем, што вядома пра жанчыну.
Галіне Краснянскай 67 гадоў. Родам з Бабруйска, імаверна, з сям'і вайскоўца — у сацсетках пазначана, што яна нарадзілася ў «вайсковым гарадку Кісялевічы». Некалі там быў буйны ваенны гарнізон і школа была створаная акурат для дзяцей вайскоўцаў.
Пасля школы паехала ў Мінск вучыцца на хіміка ў Беларускім тэхналагічным інстытуце (цяпер — БДТУ). Але пасля Галіна працавала ў вайсковых частках, калі верыць яе сацсеткам. Напрыклад, з 1981-га па 1986-ы ў частцы № 48819, якая базіравалася ў прасавецкай частцы Германіі — ГДР.
У незалежнай Беларусі працавала спачатку ў вайсковай частцы, а пасля інжынерам у прыватнай фірме. Імаверна, пасля яна пераехала ў Швецыю: ва ўсіх сацсетках Галіны большая частка фота апошніх 15 гадоў адтуль, а ў кантактных кнігах іншых абанентаў яна падпісаная «Галіна Швецыя» і «Галіна Стакгольм». Яна мусіць мець і шведскае грамадзянства.
Яна распавядала ў сацсетках пра розныя прыгожыя месцы, якія бачыла ў гэтай краіне, а таксама выкладала фота з сустрэч мясцовай дыяспары. Нічога крымінальнага там няма — людзі проста збіраліся на супольныя пікнікі або культурніцкія івэнты.
А ў 2020-м жанчына з сумам пісала, што праз кавід не можа пабачыць бацькоў.
Хобі Галіны — кухарыць. У сваім інстаграме яна змяшчала фота хатняй выпечкі ды іншых страваў.
Невядома, калі жанчына вярнулася ў Беларусь, але не раней за вясну 2023-га года. Апошняе абнаўленне ў яе фэйсбуку датуецца сакавіком, але апошнія фота са Швецыі — канцом 2022-га.
Дата затрымання невядомая таксама, але вінавацяць яе другой частцы артыкула 361-3 Крымінальнага кодэкса. Па звестках «Вясны», звычайна гэта азначае ахвяраванне беларускім добраахвотнікам або на дапамогу Украіне. Жанчыне пагражае ад пяці да дзесяці гадоў турмы — іншага пакарання па артыкуле не прадугледжана.
Суд над Галінай Краснянскай пачаўся сёння ў Мінскім гарадскім судзе. Імаверна, да суда яе трымаюць пад вартай.
«Наша Нiва» — бастыён беларушчыны
ПАДТРЫМАЦЬ-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
Каментары