У Кіеве дасталі з зямлі баявую частку збітага «Кінжала» — гэта дапаможа яшчэ лепш вывучыць расійскія ракеты
Яшчэ раз пацвердзілася, што расійская суперзброя аказалася па зубах амерыканскаму супрацьпаветранаму комплексу «Пэтрыат». Атрыманая боегалоўка дапаможа яшчэ лепш вывучыць расійскія ракеты.
Уначы і раніцай 2 студзеня расійскі бок атакаваў Украіну з дапамогай беспілотнікаў і ракет. Украінскімі СПА было знішчана 35 беспілотнікаў «Шахед» і 72 ракеты.
Большая частка ракет была выпушчаная па Кіеве. Сярод іх — дзесяць гіпергукавых «Кінжалаў». СПА ўкраінскай сталіцы здолелі іх усе знішчыць. Абломкі адной з ракет упалі ў лесапасадку ў Шаўчэнкаўскім раёне Кіева.
Як можна заўважыць па фота, распаўсюджаным Дзяржаўнай службай Украіны па надзвычайных сітуацыях, гіпергукавая баявая частка ўвайшла ў грунт на некалькі метраў. Каб яе дастаць спатрэбіўся экскаватар. Работамі па ліквідацыі боегалоўкі займаліся піратэхнікі Мабільнага выратавальнага цэнтра хуткага рэагавання.
Што такое «Кінжал»
Расійскі авіяцыйны ракетны комплекс шырокай публіцы быў прэзентаваны ў сакавіку 2018 года. Ён лічыцца глыбокай мадэрнізацыяй аднаступеньчатай цвёрдапаліўнай ракеты для комплексу «Іскандэр» у авіяцыйнай версіі. Функцыю баявой платформы (самалёта-носьбіта) выконваюць самалёты МіГ-31 і Ту-22М3. Яны выводзяць ракету на вышыню ад 12 да 15 тыс. метраў, адкуль здзяйсняецца запуск.
Дальнасць палёту ракеты перавышае 3000 км, калі яе запускаюць з Ту-22М3. «Кінжал» можа несці як звычайныя, так і ядзерныя боегалоўкі з карыснай нагрузкай да 480 кг, а таксама тэрмаядзерны варыянт з боегалоўкай магутнасцю 10—50 кт.
Пасля запуску ракета разганяецца да хуткасці 4 Маха (4900 км/г) і можа дасягаць хуткасці да 10 Маха (12 350 км/г). Такая хуткасць у спалучэнні з нестабільнай траекторыяй палёту і высокай манеўранасцю ракеты ўскладняе яе перахоп.
Раней «Кінжал» мог прабіваць супрацьпаветраную абарону Украіны, аднак дзякуючы сістэме Patriot Узброеныя сілы Украіны навучыліся паспяхова іх збіваць. Атрыманая боегалоўка дапаможа яшчэ лепш вывучыць расійскія ракеты.
Чытайце яшчэ:
У Расіі паказалі ВІДЭА запуску ракеты, хуткасць якой у 10 разоў перавышае хуткасць гуку
CNN: У ЗША пацвердзілі, што Расія запусціла гіпергукавыя ракеты па Украіне
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
Магутнасць тэрмаядэрнай зброі звычайна пачынаецца з 100 кт.