«Разбестились до крайности». Стваральнікі мерча Лукашэнкі русіфікавалі ягоную трасянку
Днямі прэс-служба Лукашэнкі паведаміла пра тое, што ў крамах «Первый», дзе прадаецца ягоны мерч, да навагодніх святаў з'явілася лімітаваная калекцыя дзіцячых футболак. Цэнтральны іх персанаж — белы шпіц разам з традыцыйнымі крылатымі выразамі, якія дапускаў Лукашэнка.
Праўда, стваральнікі гэтай калекцыі не наважыліся цытаваць свайго куміра блізка да арыгіналу, таму нават часам ужыванае ім чыста беларускае слова «разбэсціліся» напісалі ў максімальна русіфікаванай версіі: «разбестились».
У выніку атрымалася такая форма, якую ўвогуле ніхто ў Беларусі не ўжывае. А гасцям з усходу, якія зусім не ведаюць беларускай мовы, слова ў такім напісанні зразумелым усё адно не робіцца.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя13
Каментары