У Брэсце прадалі былую царскую казарму. Цана на таргах узляцела ў дзевяць тысяч разоў
У канцы лістапада стала вядома, што ў Брэсце адбудуцца таргі па двух цікавых гісторыка-культурных аб'ектах: на аўкцыён выстаўляліся казармы. Абедзве — за сімвалічныя 37 рублёў. Учора лоты здабылі ўласнікаў, праўда, зусім не за адну базавую.
Размова пра эфектную царскую казарму, размешчаную на вуліцы Брэсцкіх дывізій, 15а. Двухпавярховы будынак з чырвонай цэглы быў узведзены да 1917 года і можа пахваліцца не толькі мурам, але і памерамі — 3333 «квадраты».
Выстаўляўся на аўкцыён будынак і раней. Напрыклад, у 2022-м за яго планавалі выручыць больш за 2,5 млн рублёў, аднак пры такіх стаўках ахвотных пазмагацца за лот не знайшлося. Зусім па-іншаму разгортваліся падзеі гэтым разам.
Як распавёў Onliner прадстаўнік Беларускай універсальнай таварнай біржы, паўдзельнічаць у таргах вырашылі 15 заяўнікаў. Стартавалі ў 10:00 26 снежня, а скончылі толькі ў 01:55 27 снежня. Было зроблена 63 519 ставак. У выніку казарма дасталася таму, хто прапанаваў за яе максімальную суму, а менавіта 352 564 рублі. Гэта значыць цана на аб'ект вырасла ў 9,5 тысячы разоў.
Раней паведамлялася, што на плошчах, якія ўжо перажылі частковую перапланіроўку, замену перагародак і ўстаноўку новых вокнаў, можна адкрыць офісы, музей, студыі.
— Прадалі і яшчэ адну гістарычную каштоўнасць — абарончую казарму «Ж-З». Гэта частка Брэсцкай крэпасці. Таргі выніковыя: пачатковая цана была 37 рублёў, а цана продажу — 5516. У таргах узялі ўдзел чатыры заяўнікі, якія за 28 хвілін зрабілі 988 ставак. У абодвух выпадках пераможцамі сталі юрыдычныя асобы, якія працуюць у сферы будаўніцтва, — растлумачылі ў БУТБ.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары