Прадстаўнікі праўладнай партыі ў першы ж дзень збору подпісаў дэманстратыўна парушылі закон
Першы пікет для збору подпісаў заўважылі 23 снежня на плошчы перад гомельскім «Новым універмагам». У мінулыя гады на гэтай пляцоўцы агітацыю праводзілі як праўладныя арганізацыі, так і апазіцыя. Сёлета збор подпісаў на гэтай плошчы быў забаронены праз рашэнне Гомельскага гарвыканкама, піша «Флагшток».
Дакумент, прыняты 7 снежня ў Гомельскім гарвыканкаме, змяшчае абʼёмны пералік забароненых лакацый. Сярод іх устаноўлены забароненыя месцы для збору подпісаў:
- бліжэй за 200 метраў да падземнага пераходу,
- бліжэй за 50 метраў да банкаў.
Менавіта гэтыя пункты і парушылі пікетчыкі «Белай Русі», арганізаваўшы там збор подпісаў.
У адпаведнасці з тэкстам рашэння, кантроль за выкананнем гэтага закона ляжыць на намесніках старшыні гарвыканкама, гарадскіх кіраўніках адміністрацый раёнаў і начальніках раённых АУС Гомеля.
На пікеце прадстаўнікі праўладнай партыі «Белая Русь» збіралі подпісы за двух кандыдатаў: Сяргея Хахомава (рэктар Гомельскага дзяржаўнага ўніверсітэта імя Францыска Скарыны) і Уладзіміра Гаўрыловіча (старшыня прарэжымнага Гомельскага абласнога аддзялення грамадскага абʼяднання «Саюз пісьменнікаў Беларусі»).
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3737
Каментары