Усяго патроху

У трывожных бацькаў дзеці здальнейшыя — вучоныя

Новае даследаванне паказвае, што бацькі, якія знаходзяцца ў злёгку трывожным ці прыгнечаным стане, выхоўваюць дзяцей з меншай колькасцю праблемаў у паводзінах і з лепшымі здольнасцямі.

Бацька з дзецьмі Father with children Отец с детьми
Ілюстрацыйнае фота. Getty Images.

Даследаванне, вынікі якога апублікаваныя ў часопісе Frontiers of Psychology, паказвае, што ба́цькі, якія знаходзяцца ў злёгку трывожным ці прыгнечаным стане, выхоўваюць дзяцей з меншай колькасцю праблемаў у паводзінах. Такія дзеці ў 6-8 гадоў паказваюць лепшыя вынікі тэстаў на разумовыя здольнасці.

Вучоныя назіралі за 36 хлопчыкамі і 25 дзяўчынкамі, а таксама іхнімі мацярамі і ба́цькамі з мэтай вывучэння, як звязаны дэпрэсіўныя ці трывожныя сімптомы мужчын, вымераныя падчас цяжарнасці жонак, а таксама калі дзецям было 6-8 гадоў, з кагнітыўнымі здольнасцямі і паводзінамі дзяцей.

Вынікі даследавання абверглі першапачатковую гіпотэзу аб тым, што псіхічны стан бацькі мае неспрыяльныя наступствы для псіха-сацыяльнага развіцця нашчадка.

Вучоныя збіралі звесткі пра стан трывожнасці, стрэс, дэпрэсіўныя сімптомы і сацыяльна-дэмаграфічныя паказчыкі (адукацыя і даход сям'і, спажыванне алкаголю і курэнне), успрыманне бацькоўскіх абавязкаў і індэкс якасці шлюбу бацькі і маці падчас цяжарнасці і праз 24 месяцы пасля нараджэння дзіцяці.

Таксама падчас даследчага візіту, калі дзіцё мела 6-8 гадоў, былі атрыманы звесткі пра псіхічнае здароўе абодвух бацькоў, кагнітыўныя здольнасці дзяцей і іх паводзіны. Акрамя гэтага вучоныя сабралі звесткі пра поўную гісторыю здароўя бацькоў і дзіцяці.

Паводле атрыманых даных, дзіцё, чый бацька паведамляў аб больш высокім узроўні дэпрэсіўных сімптомаў, магло больш працяглы час спакойна сядзець, радзей страчвала самавалоданне і мела лепшую канцэнтрацыю ўвагі. Стандартызаваныя тэсты таксама паказалі больш высокі ўзровень IQ.

Такія вынікі рэзка кантрастуюць з уплывам дрэннага псіхічнага здароўя маці на іх дзяцей. Шмат даследаванняў паказала, што маці з дэпрэсіўнымі ці трывожнымі схільнасцямі выхоўваюць дзяцей з большымі, а не з меншымі праблемамі ў паводзінах і канцэнтрацыі ўвагі.

Як тлумачаць вучоныя, адной з магчымых прычын таго, чаму бацькаўскі стрэс мае супрацьлеглы эфект, заключаецца ў тым, што бацькі, магчыма, мелі лепшую настроенасць на выкананне бацькоўскіх абавязкаў (лепшае ўсведамленне эмоцый свайго дзіцяці і рэагаванне на іх), з мэтай «кампенсацыі» фактараў рызыкі навакольнага асяроддзя, сярод якіх мацярынскія сімптомы дэпрэсіі ці трывогі.

У той жа час, як адзначаюць аўтары, неабходна правесці дадатковыя даследаванні для таго, каб зразумець адпаведныя ролі і сукупны ўклад абодвух бацькоў у развіццё дзіцяці. Вучоныя таксама звяртаюць увагу, што атрыманыя вынікі не могуць быць распаўсюджаны на бацькоў, якія маюць клінічныя ўзроўні дэпрэсіі і трывогі.

Чытайце яшчэ:

Жанчыны, якія перажылі пасляродавую дэпрэсію, расказалі, як адольвалі цяжкі стан

«Бацькі заўсёды казалі, што нарадзілі сястрычку для мяне». Як склаліся адносіны ў сем’ях, дзе старэйшыя дзеці глядзелі малых 

У прапагандысцкім шоу вырашылі, што мужчына можа «абабіцца» ў дэкрэце. А замест «латэ-таты» ёсць Бацька

Каментары

Цяпер чытаюць

Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме8

Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме

Усе навіны →
Усе навіны

У Інданезіі прамаўчалі пра візіт міністра абароны ў Беларусь

Стыхія нарабіла бяды ў Калодзішчах

ДТЗ у Талачынскім раёне: пацярпелі 4 чалавекі, адзін — загінуў

У МТС расказалі, дзе ў Беларусі жывуць жаўранкі, а дзе — совы2

З-за навальніцы на поўначы Мінска на 25 секунд адключалася электрычнасць

Сям’я беларусаў аказалася ў двух розных асяродках эміграцыі. Муж не можа трапіць да жонкі ў Грузію, а яна — атрымаць візу да яго ў Польшчу10

Беларусы здымаюць у Польшчы серыял пра свінгераў19

Алімпійская чэмпіёнка па біятлоне прапала ў гарах Пакістана1

Магутны землятрус каля берагоў Камчаткі прывёў да цунамі, у Японіі і на Гаваях абвешчана эвакуацыя

больш чытаных навін
больш лайканых навін

Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме8

Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме

Галоўнае
Усе навіны →

Заўвага:

 

 

 

 

Закрыць Паведаміць