Колькі мяса, малака, гародніны і садавіны спажывае беларус за год, расказалі ў Нацыянальнай акадэміі навук Беларусі, паведамляе БелТА.
Больш за ўсё на аднаго грамадзяніна Беларусі прыпадае малака і малочных прадуктаў — 238 кг, гародніны — 174 кг, бульбы — 161 кг. Мяса беларус ужывае ў год каля 98 кг, ягад і садавіны — 92 кг.
Як адзначыла намесніца дырэктара па навуковай рабоце Інстытута сістэмных даследаванняў у АПК НАН Беларусі Святлана Кандраценка, каля 80% прадукцыі складаюць прадукты айчыннай вытворчасці.
Па словах Святланы Кандраценка, па асобных катэгорыях долю рэалізацыі прадукцыі айчыннай вытворчасці ўдалося нарасціць. Так, напрыклад, па свежай садавіне і арэхах за тры гады паказчык павялічыўся на 3,2 працэнтнага пункта.
Каментары