Колькі грошай захоўвае беларус у банках і што адбываецца з банкаўскімі ўкладамі
Беларусы часцей кладуць грошы ў банк у рублях і радзей забіраюць іх датэрмінова, піша Officelife са спасылкаю на Нацбанк.
У III квартале гэтага года ў Беларусі расла доля тэрміновых укладаў у беларускіх рублях — з пачатку года яна была роўная 39%, да канца кастрычніка падрасла яшчэ на 3%.
Беларусы сталі часцей размяшчаць беларускія рублі на безадзыўных укладах: тэмп прыросту па іх у 2 разы вышэйшы, чым па адзыўных.
Часцей грошы на банкаўскіх укладах захоўваюць жанчыны: доля іх укладаў у рублях прырастае хутчэй, у замежнай валюце — скарачаецца. Больш за ўсё сродкаў на ўклады прыносяць жанчыны ва ўзросце 26-45 гадоў.
Колькасць укладчыкаў у Беларусі стала меншай: на 1 кастрычніка яна ўпала на 16,5 тыс. чалавек — да 1,04 млн. У асноўным гэта адбылося за кошт зніжэння попыту на ўклады ў валюце.
Усё часцей уклады адкрываюць не ў фізічных аддзяленнях банкаў, а праз інтэрнэт: за III квартал такія ўклады выраслі на 4, 8%, з пачатку года доля такіх укладаў павялічылася да 22, 2%.
Радзей сталі датэрмінова забіраць грошы з укладаў: абʼём такіх сродкаў за квартал паменшыўся з 204,2 да 161,4 млн рублёў.
Больш за трэць укладаў, тэрмін якіх скончыўся, беларусы падаўжаюць.
У сярэднім беларускі ўкладчык трымае ў банку 1,2 тыс. рублёў — і гэта на 346 рублёў больш, чым было ў мінулым квартале, і $8,2 тыс. — гэта на $246 менш, чым раней.
Сярэдняя сума ўкладу на аднаго ўкладчыка ў эквіваленце ўсіх валют тым большая, чым вышэйшы іх узрост: больш за ўсё грошай у банках трымаюць людзі старэйшыя за 46 гадоў.
-
«Мая праца згарэла». Беларускія бізнэсы страцілі тавар на складах Wildberries, але маюць больш шанцаў на кампенсацыю, чым расіяне
-
20 літраў у бак і ніякіх каністраў? Ці сапраўды на беларускіх запраўках на мяжы з Расіяй увялі ліміты на бензін
-
Кітайскі стартап выпусціў ШІ-мадэль, якая абышла амерыканскія аналагі
Каментары