Выручка сеткі «Санта» вырасла ў 1,5 разу, але кампанія нясе страты
Выручка ТАА «Санта Рытэйл», якое кіруе сеткай «Санта», вырасла па выніках дзевяці месяцаў у 1,5 разу. Яна склала 1,545 млрд рублёў, вынікае з дакументаў, размешчаных на Адзіным партале фінансавага рынку, заўважыў Reform.by.
Сабекошт рэалізаванай прадукцыі павялічыўся пры гэтым на 56,1%, да 1,186 млрд рублёў, і ў выніку «Санта Рытэйл» атрымала страты ад бягучай дзейнасці ў памеры 42,2 млн рублёў.
У мінулым годзе дзевяць месяцаў года сетка скончыла з прыбыткам ад бягучай дзейнасці амаль у 47 млн рублёў.
У выніку сетка зафіксавала чыстыя страты па выніках трох кварталаў у 55,5 млн рублёў супраць чыстага прыбытку ў 32,08 млн рублёў за аналагічны перыяд мінулага года.
Рост выручкі адбыўся ў тым ліку на фоне пераходу да «Санты» крам сеткі «Віталюр». Яны былі перададзеныя ў кіраванне «Санта Рытэйл» у пачатку гэтага года.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары